بلوچ لبریشن آرمی ءِ جارکش جیئند بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ امریکہ ءِ نیمگ ءَ بلوچ لبریشن آرمی ءِ گچینی باسک مجید بریگیڈ ءَ درملکی ناشرکاریں گلانی لڑ ءَ ھوار کنگ ءِ پیسلہ میان اُستمانی تاکتانی نیمگ ءَ زمینی راستیاں رد کنگ ءُ نوآبادی ءِ درشان ءِ ھچ نگوشگے پژدر انت ۔ ما اے پیسلہ ءَ ھچ دلگوش نہ دئیں ءُ ناکہ ایشی ءَ وتی سر ءَ زور لیکھیں ۔بلوچ لبریشن آرمی گھگیری ءِ ھما تاکت انت کہ بس زورگریں ریاست ءِ پوجی زوراکیانی بگیری ءَ کار ءَ انت ءُ بس وتی ایردستیں سرڈگار ءِ آجوئی ءِ ھاتر ءَ جھد ءَ انت ۔
جارکش ءَ گوشتگ کہ اے راستی چو روچ ءِ رژن ءَ پدر انت کہ پاکستان ءَ 1948 ءَ بلوچستان ءِ سر ءَ پہ زور کبزہ کتگ ءُ بی ایل اے ھما روچ ءَ بندات بوتگیں گھگیری ءِ درچ انت۔ ما بس ادارکی سیاسی چست ءُ ایر یا جزباتی ٹولی ءِ نام نہ ایں ، بلکیں یک گوستانکی ، راجی پھزداری ءِ راستی یے۔ بی ایل اے ھما بلوچ راجی گیرت درشان انت کہ ھچ وڑیں دری تاکتانی منگ یا میان اُستمانی سند آئی ءَ درکار نہ انت ۔
آئی ءَ گوشتگ کہ ما وتی جھد ءَ میان استمانی انسانی کانودانی رھبندانی رد ءَ چاریں ۔ بی ایل اے یک مھکمیں پوجی تاکتے ، کہ ”در میان استمانی سلاہ بندیں جیڑو“ درسیں زانشتانی سر ءَ اوشت ایت ، کہ جنوا کنونشنز آرٹیکل سَے ءِ تہ ءَ ھست انت ۔ اے شک ءِ تہ ءَ جنگ ءِ رھبند ، سرمچارانی ھک ، ءُ مردمانی پھازگ ءِ رھبند نبشتہ انت ۔ ما مدام وتارا ھمے رھبندانی پابند کتگ ۔ سرجمیں جھان ءَ اے درور ھست انت کہ اود ءَ ریاست ءَ دریں جنگی زرمبشتاں آیانی کانودانی رد ءَ اکلاکی ، کانودی ءُ سیاسی درجہ دیگ بوتگ ۔
جارکش ءَ گوشتگ کہ مئے درسیں کار بلوچستان ءِ تہ ءَ پاکستان ءِ پوج ،فرنٹیر کور ، انٹلی جنس نٹورک ، کشندہ ٹولی ءُ آئی ءِ کمکاریں ٹولیانی بگیری ءَ انت ۔ مئے جنگ سرڈگار ءِ جنگ انت ، ھما سرڈگار کہ مئے کماشانی مِلک بوتگ کہ توپک ءِ زور ءَ چہ ما پلگ بوتگ ۔ ما نا پاکستان ءِ راج ءِ بگیریں ناکہ میان اُستمانی تاکتانی ۔ مئے توپک بس ھما تاکتانی بگیری ءَ چست بیت کہ مئے سرڈگار ءِ سر ءَ کبزہ انت ءُ کبزہ گیر ھرکس بہ بیت مئے توپک ھمائی نیم ءَ ٹال بیت ۔
جارکش ءَ گوشتگ کہ امریکہ ءِ نیمگ ءَ ھما بھتام کہ دیم ءَ آرگ بوتگ انت کہ زورگریں ریاست پاکستان ءَ دیر انت ھمے پروپیگنڈھاں کارمرز کنگ ءَ انت ۔ ما اے گپ ءَ تچک کن ایں بازاری مردماں نشانگ کنگ مئے رھبندانی بھر نہ انت ۔ بلے ھو ما ایشی ءَ ھم پدر کن ایں مارا وتی جنگ ءِ سر ءَ کسی جوابے نہ ایں ءُ ناکہ ما وت ءَ چشیں درشانانی تہ ءَ وت ءَ مان ھڑینیں کہ ریاست ءِ لوٹانی رد ءَ بہ بنت ۔
آئی ءَ گوشتگ کہ ما زان ایں کہ امریکہ ءِ وڑیں تاکتوریں ملکے ءِ پالیسیانی تہ ءَ پھزدار ، مسام ءُ زمینی گواچنانی مپاداتانی مزنیں کردے پیلو کن انت ۔ ما اشی ءَ شری ءَ سرپدیں بلے ما اشی ءَ ھم زان ایں بازیں وھداں اے دابیں لڑ زمینی راستیاں گیش سیاسی توازن ءِ نمائندگی ءَ کن انت ۔ ما ایشاں ناں کانودی سرپد بہ ایں ءُ ناکہ اکلاکی ، بلوچ مزاھمت ءَ کہ ھپتاد ءُ پنچ سالیں وتی زمین ءِ سر ءَ برجاھیں ایشی ءَ ناشرکاری ءِ تہ ءَ برگ ھچ وڑیں میان استمانی ھکانی ترجمانی ءَ نہ کنت ۔
مئے جنگ میان اُستمانی کانودانی رد ءَ کئیت بلوچ لبریشن آرمی یک مھکمیں پوجی تاکتے کہ درسیں میان استمانی جنگی رھبندانی رد ءَ وتی کاراں کنت ۔ ما ھما در ریاستی تاکتیں کہ زورگیر ءِ دیم ءَ وتی مردمانی پھازگ ءَ اشتاتگ انت ۔ اگاں جھان ءَ ھر کجا کہ ریاستی زوراکی ، چکچینی ءُ ایردستی ءِ بگیری ءَ جنگ جائز انت گڑا بلوچستان پرچا چہ اشی ءَ پشت بہ بیت ۔
جارکش ءَ گوشتگ کہ مئے جنگ تاں ھما وھد ءَ برجاہ مان ایت تانکہ مئے سرڈگار ءَ زورگیر ءِ یک سپاھی یے ھست بیت ۔ ما شری ءَ زانیں کہ وھدیکہ یک راجے ءَ چہ آئی ءِ زمین ، آئی ءِ پجار ءُ آئی ءِ زبان ءُ مڈی پچ گرگ بہ بیت گڑا ھر یک مردمے جند ندریگ ءِ جوڑ بیت ۔ مروچی بلوچستان ءِ ھر یک زانتکارے بلوچ جند ندری انت ۔ اے جنگ بس توپک ءِ نہ انت زانت ، دیمھونی ءُ ازت ءُ نپس ءِ جنگ انت ۔
آئی ءَ دیمتر ءَ گوشتگ کہ امریکہ ءِ اے پیسلہ ھما وھد ءَ دیم ءَ آرگ بوتگ وھدیکہ بلوچستان ءِ مڈیانی سر ءَ میان استمان ءِ زرکارانی دلگوش بوتگ۔ پاکستان ھمے مڈیاں دری کمپنیانی دیم ءَ پیش کنگ ءَ انت ءُ بلوچستان ءَ یک ھاموشیں پلپھانچی کالونی یے جوڑ کنگ ءِ شور بوگ ءَ انت چشیں وھدے ءَ وھدیکہ یک راجی جنگے ھمے شوربندیانی دیم ءَ اڈاند بہ بیت گڑا آئی ءَ میان استمانی تکاں درکانودی گشگ ھیرانی گپے نہ انت ۔ ما اے جاوراں شری ءَ پھم ایں ءُ ما وتی سرپ بندیان ھمیشانی زانگ ءَ پد کن ایں۔
جارکش ءَ گوشتگ کہ ما جھان ءَ کلوہ دئیں کہ آ بلوچستان ءَ بیا انت ءُ بچار انت کہ مئے سرڈگار ءَ چی بوگ ءَ انت ۔ آ وت اے یکجاھیں مانشاں بہ چار انت کہ اد ءَ مئے ورنا کل کنگ بوتگ انت ۔ آ ھما ماتانی چمانی تہ ءَ بہ چار انت کہ آیانی زھگاں بازیں سالے بنت بیگواہ انت ۔ آ ھمے شھراں بچار انت کہ ادا گپ جنگ ءِ سر ءَ بندش انت ۔ ھما میتگاں بہ رو انت ءُ بچاراں کہ اود ءَ شپ ءِ نھنگام ءَ لشکر کشی کنگ بیت ءُ پد ءَ پیسلہ بہ کن انت کہ اشانی بگیری ءَ اگاں مھکمیں جنگے بندات بیت گڑا آ ناشر کار گوشگ بیت ، یا آ انسان بوگ ءِ دلیل بیت ؟
امریکہ ءُ میان استمان ءَ اے راستی منگی انت کہ بلوچ راج ءُ آئی آشوبی گھگیری ابرمی دروشم ءَ ھما میان استمانی تاکتاں نزیک تر انت کہ ھک ، استھکام ءُ رھبندی ھمکوپگی ءِ سر ءَ باور کن انت ۔ بی ایل اے یک ھنچیں جنگی گلے کہ مزھبی ناشرکاری ءَ پاک ءُ یک مھکمیں پگر ءُ جھان ءِ گوم ءَ سیادی دارگ ءَ باور کنت اشی ءِ پژدر ءَ پاکستان ءَ جھان ءِ ھما درسیں رھبند لگتمال کتگ انت کہ دودمانیں راج آئی ءِ سر ءَ باور کن انت ۔ گوست اے گپ ءِ شاھدی ءَ دنت کہ پاکستان ءَ مدامی وتی لوٹ ، بے زبانی مپاد پرستی کتگ انت ۔ اگاں امریکہ اے دمگ ءَ راستی ءَ استھکام زمینی راستیانی رد ءَ سیادی کنت گڑا آئی ءَ وتی ھمسنت زانگی انت ۔ بلوچ راج کہ نوکتریں گھگیری ءُ رھبنداں شری ءَ زانت ءُ بلوچ لبریشن آرمی کہ بس وتی سرڈگار ءِ آجوئی ءُ ھک ءِ ھاتر ءَ میدان انت ھما تاکت انت کہ آیانی مھکم کنگ ءَ اے دمگ ءَ امن ءُ ایمنی آتک کنت ۔
درشان ءِ گڈسر ءَ جارکش ءَ گوشتگ کہ ما چہ وتی راج ءَ کول کن ایں کہ بی ایل اے وتی لیکھی ، پوجی ءُ اشوبی زمہ واریاں ھچبر پدکنز نہ بیت ۔ ما ھچ وڑیں ریاستی درشان ، میان استمانی ٹپہ یا میان استمانی شئوراں وتی راہ ءِ دیوال جوڑ بوگ ءَ نیل ایں ما وتی جنگ ءَ تاں ھما وھد ءَ برجاہ دار ایں تانکہ بلوچستان آجو نہ بیت ۔
