یک رپورٹے ءِ تہ ءَ گْوشگ بیتگ کہ سرجمیں دنیا ءَ کورونا ویروس ءَ گورجتگیں مردمانی کَچ ھپتاد ءُ نُہ لَک ءُ نود ءُ پنچ ھزار ءُ چار سد ءُ ھشتاد ءَ سر بیتگ اَنت – وھدیکہ چریشی ءَ بیران بیتگیں مردمانی کَچ چار لَک سِی پنچ ھزار ءُ پنچ سد ءُ نود ءُ سے ءَ سر بیتگ سرجمیں دنیا کورونا ویروس نادراھی ءَ وتی پنجگانی تہ ءَ گپتگ ایشی ءَ نا نادراہ گیش بیگ ءَ اَنت بلکیں ھمک روچ بیرانیانی کَچ ھم گیش بیان اَنت بازیں ڈیھاں کورونا ویروس ءِ زور پُرشتگ ءُ بازیں جاھاں انگت زور اِنت ءُ بازیں جاھاں نادراھی ءُ بیرانی نا بروبری اِنت –
رپورٹ ءِ رد ءَ کورونا ویروس ءَ سرجمیں دنیا ءَ سِی ءُ چار لک ءُ چِل ءُ نُہ ھزار ءُ ھشت سد ءُ بیست ءُ ھپت نادراہ نادراہ جاھان اِنت، کرنتینہ ءَ ڈبیتگیں ءَ لوگاں ڈبیتگ اَنت چریشانی تہ ءَ پنجاہ ءُ چار ھزار ءُ یک سد ءُ پنجاہ ءُ سَے کس ءِ جاور نگیگ اَنت وھدیکہ چِل ءُ یک لَک ءُ دَہ ھزار ءُ شست مردم دراہ بیتگ اَنت –
امریکہ ءَ داں انگت ءَ کورونا ویروس ءَ گورجتگیں ڈیھاں درستاں چَہ گیشتر نادراھی اِنت اود ءَ نا ایوک ءَ نادراھانی کَچ گیش اِنت بلکیں بیرانیانی کچ ھم باز اِنت –
امریکہ ءَ کورونا ویروس ءَ داں انیگ ءَ یک لَک ءُ ھبدہ ھزار ءُ ھشت سد ءُ پنجاہ ءُ سَے ھزار مردم بیران بیتگ اَنت وھدیکہ اے نادراھی ءَ گورجتگینانی کَچ بیست ءُ یک لَک شست ءُ دوھزار ءُ یک سد ءُ چِل ءُ چار بیتگ اَنت –
امریکا نادراہ جاہ ءُ کرنتینانی بنجلاِ یازدہ لَک ءُ ھپتاد ءَ شش ھزار ءُ چار سد ءُ چِل ءُ دو نادراھانی جاندراھی بیگ اِنت کہ چریشانی تہ ءَ شانزدہ ھزار ءُ ھپت سد ءُ چار مردمانی جاور نگیگ گوشگ بیگ ءَ اَنت ءُ ھشت لَک ءُ شست ءُ ھپت ھزار ءُ ھشت سد ءُ چِل ءُ نُہ گورجتگیں مردم دراہ بیتگ اَنت –
کورونا ویروس ءَ نادراھانی کَچ ءِ بارو ءَ درستاں چہ گیشتر، برازیل دومی نمبر اِنت کہ اود ءَ کورونا ویروس ءَ گورجتگیں نادراھانی کَچ ھشت لَک ءُ شست ءُ ھپت ھزار ءَ ھشت سد ءُ ھشتاد ءُ دو ءَ سر بیتگ اَنت ویروس ءَ چِل ءُ سَے ھزار ءُ سَے سد ءُ ھشتاد ءُ نُہ زندگی چَہ زند ءَ چُٹیتگ اَنت –
کورونا ویروس ءَ چَہ روس ءَ گوستگیں روچ ءَ شش ھزار ءُ نَہ سد ءُ چِل ءُ ھشت بیتگ اَنت وھدیکہ اے نادراھی ءَ نادراھانی کَچ پنچ لَک ءُ بیست ءُ ھشت ھزار ءُ نُہ سد ءُ شست ءُ چار ءَ سر بیتگ اَنت –
ھندوستان ءَ کورونا ویروس ءِ نادراھانی کَچ روچ پہ روچ ترندی ءَ گوں برجاہ اِنت ءُ اے رِد ءَ آ چارومی نمبر ءَ اِنت ھندوستان ءَ کورونا ویروس ءَ بیران بیتگیں مردمانی کَچ نُہ ھزار ءُ پنچ سد ءُ بیست ءَ سر بیتگ اَنت اے نادراھی ءَ گورجتگیں نادراھانی کَچ سَے لَک ءُ سِی سَے ھزار ءُ ھشت ءَ سر بیتگ اَنت –
برتانیہ ءَ کورونا ویروس ءَ بیران بیتگیں مردمانی کَچ چِل ءُ یک ھزار ءُ شش سد ءُ نود ءُ ھشت ءَ سر بیتگ اَنت وھدیکہ گورجتگیں مردمانی کَچ دو لَک نود ءُ پنچ ھزار ءُ ھشت سد ءُ ھشتاد ءُ ھشت ءَ سر بیتگ اَنت –
اسپین ءَ کورونا ویروس ءَ داں انیگ ءَ دو لَک نود ءُ یک ھزار ءُ ھشت گورجتگیں بیتگ اَنت اے نادراھی ءَ بیست ءُ ھپت ھزار ءُ یک سد ءُ سِی ءُ شش مردم بیران بیتگ اَنت –
اٹلی ءَ کورونا ویروس ءَ بیران مردمانی کَچ سِی ءُ چار ھزار ءُ سَے سد ءُ چِل ءُ پنچ ءَ سر بیتگ اَنت کہ اود ءَ ویروس ءَ داں زیک ءَ دو لَک ءُ سِی ءُ شش ھزار ءُ نُہ سد ءُ ھشتاد ءُ ھشت رپورٹ بیتگ اَنت –
چین کہ ھمود ءَ کورونا ءِ اولی نادراہ پدر بیتگ کہ اود ءَ کورونا بازیں کَچے ءَ گِر ءُ دار کنگ بیتگ ءُ ھمک باز کم نادراھانی گورجنیانی ھال بنت ءُ بازیں وھدے ءَ چَہ بیرانیانی ھال نیست اِنت –
چین ءَ کورونا ویروس ءَ نادراھانی کَچ ھشتاد ءُ سَے ھزار ءُ یک سد ءُ ھشتاد ءُ یک ءَ سر بیتگ اَنت چریشی ءَ بیران بیتگیں مردمانی کَچ چار ھزار ءُ شش سد ءُ سِی ءُ چار ءَ سر بیتگ اَنت –
پاکستان ءَ کورونا ویروس ءَ دگہ نود ءُ ھشت مردم بیران بیتگ اَنت چریشی ءَ پد سرجمیں ڈیھ ءَ کورونا ویروس ءِ نادراھی یک لَک ءُ چِل ءُ چار ھزار ءُ چار سد ءُ ھپتاد ءُ پنچ ءَ سر بیتگ اَنت وھدیکہ اے نادراھی ءَ بیران بیتگیں مردمانی کَچ دو ھزار ءُ ھپت سد ءُ سِی ءُ نُہ ءَ سر بیتگ اَنت –
کورونا ویروس ءَ پاکستان ءَ ھشتاد ءُ شش ھزار ءُ سَے سد ءُ نُہ نادراہ انگت نادراہ جاھان اِنت، کرنتینہ ءُ لوگاں ڈبیتگ اَنت، پنجاہ ءُ سَے ھزار ءُ دو سد ءُ نود ءُ یک نادراہ وش بوتگ اَنت –
