بلوچ آجوئی لوٹوکیں رھشون ءُ بلوچستان لبریشن پرنٹ سروک ڈاکٹر اللہ نزر بلوچ ءِ سی ملٹ کلوہ بی ایل ایپ میڈیا سیل آشوب ءَ شنگ بوتگ ۔
ڈاکٹر اللہ نزر بلوچ ءَ وتی کلوہ ءِ بندات اے گپاں چہ کتگ کہ من وتی ایردستیں بلوچ راج ءِ کہ میان استمانی ءُ پاکستانی نوآبادی ءِ زوراکی ءِ آماچ انت شمے جھد ءَ سلام ، نمیرانیں سراں سلام ، زمیر ءِ توار ءِ سرا اوشتوکاں سلام ، ھما راجکاریں باسک کہ جھد ءَ ھوار بوتگ انت ءُ آوار جنگ بوتگ انت ، بندیگ کنگ بوتگیں انسانی ھکانی باسکاں سلام ءُ بلوچ مجاھدانی منت ۔
آئی ءَ گوشتگ کہ مروچی من کسانیں کوہ ءِ دیگ لوٹاں ءُ اشی ءَ پدر کنگ لوٹاں کہ جھان ءِ ھچ وڈیں تاکت ھچ راج ءَ آجوئی نہ دات ناکہ آئی ءَ من ایت تا ھما وھد ءَ کہ آجوئی ءَ آیانی وتی مپاد بندوک مہ بیت ۔ مروچی لکھانی کچ ءَ بلوچ وتی سرڈگار ءِ آجوئی ءُ رکینگ ءِ ھاتر ءَ نمیران یا زورانسری آوار جنی ءِ آماچ بوتگ انت ، لکھانی کچ ءَ در پہ دری زند گوازینگ ءَ انت ، لکھانی کچ ءَ بلوچستان ءِ تہ ءَ بے گس انت ، منی گوشگ انت مئے دژمن مکار ئے ، آئی ءَ بس مئے زمین ءَ گوں مھر انت گون ما ناں ۔
آئی ءَ گوشتگ کہ ھنچوش کہ برتانیہ ءَ یک زمانگے ھندوستانی ءُ جنوبی اپریکہ والا دو ٹانگی دلوت گوشتگ انت ءُ متھدہ ھندوستان ءَ بنگال ءِ ڈکال ءِ میان ءَ کہ لکھانی کچ ءَ بیران بوتگ انت گڈا برتانیہ ءِ سروزیر چرچل ءَ گوشتگ کہ اشانی جانانی ھچ تقاضہ نیست ۔ من ھمے گوشگ لوٹاں کہ جھان ءِ ھچ وڈیں تاکت راجے ءِ آجوئی ، وتواکی ءُ اقدار ءِ پرواہ ءَ ندار انت وھدیکہ ھما راج وت وتی زمین ءِ سرا مھکمی ءَ مہ اوشت ایت ۔ سامراجی تاکتانی ھاتر ءَ ھتاکہ مئے وتی تہ ءِ بلوچ ٹیکدارانی ھاتر ءَ ھم درسیں بلوچ دوٹانگی دلوت زانگ بنت انسان ناں ، پرچاکہ انساناں اشرف المخلوقات گوشگ بیت ۔
ڈاکٹر اللہ نزر بلوچ ءَ گوشتگ کہ مروچی مئے زانتکاریں ورنا نمیران کنگ بوگ ءَ انت ۔ ھما کہ زاھری کانود ءَ من انت آ انسانی ھکانی گپ ءَ نہ جن انت آ بس وتی زاتی مپاد ءَ چار انت ۔ ھما تاکت ٹاہ دے انت کہ کانودانی نام ءَ زورانسری آوار جنگ بوتگیں یل کنگ بنت ھما وت آیاں بندیگ کن انت ۔ اشی ءِ درور بی این ایم ، بی ایس او ءُ بی وائی سی انت ۔ پہ ما ھچ کانود نیست تاں ھما وھد ءَ وتی پادانی سرا نہ اوشت ایں ۔
آئی ءَ گوشتگ کہ درساں پیش یک ڈاکٹر بوگ ءَ زالبولاں ھمے گوشگ لوٹاں مردین ءُ جنیں جانی ءُ مجگی برابر انت ۔ آ ھمے گوش آں کہ شمے زالبول جنگ ءِ بھر مہ بنت ۔ من ھما زالبولاں سلام کناں ، ھما گھار ءُ چکاں کہ آجوئی ءُ انسانی ھکانی ھاتر ءَ مزنیں دیمھونی دیگ ءَ انت ۔
ڈاکٹر گوشتگ کہ وتی گھار ءُ چکاں منی گوشگ ءِ مول مراد ھمیش انت کہ شمارا توپک چست کنگی انت پرچاکہ اے دژمن توپکے توار ءَ ابید دگہ ھچ ءَ سرپد نہ بیت ۔
آئی ءَ گوشتگ کہ مروچی مئے سرڈگار میاں استمانی تاکتانی گور ءَ بھا کنگ بوگ ءَ انت ۔ اے پاکستان ءِ جنرل عاصم منیر پارلمنٹ ءَ نشتگیں بلوچستان ءِ ھما سرکاری نمائندگاں ھاتر ءَ رزوائی ئے کہ بلوچستان ءِ مڈیاں امریکہ ءِ گور ءَ بھا کنگ ءَ انت ، دراہ اے جیڑوے سرا ھاموش انت ھچ کس بلوچستان ءِ مقدمہ ءَ چست کنگ ءِ جرات نہ کن انت ، میان استمانی تاکتاں چہ ھچ توقع مہ دار ایت آ بس وتی مپاد ءَ چار انت تاں ھما وھد ءَ آیانی مپاد بلوچ آجوئی جھد ءَ بندوک انت آ مئے پلامرزی ءَ کت کن انت ۔ بلے تاں ھما وھد ءَ بلوچ راج وت وتی تاکت ءِ زور ءَ وتی ھکانی لوٹ ءَ نہ کن انت ناکہ کسے آیاں آجوئی دنت ءُ ناکہ کس ءِ آئی ءِ آجوئی ءَ داشت کنت ۔
آئی ءَ گوشتگ کہ من وتی گھار ءُ چکاں پدا گوش آں کہ شما بلوچ راج ءِ پنجاہ درسد ئے شمارا ھم سلاہ چست کنگی انت ۔ اگاں کردیں مسلمان سلاہ چست کت کن انت ، اگاں دومی مسلمانیں زالبول جنگی جھاز بال دات کن انت گڈا یات بہ دار ایت پنچ سد سال ساری ھم مئے بانڑی ، گل بی بی ءُ دگہ ناشناسیں رھشوناں جنگ ءِ میدان ءَ جنگ داتگ ۔
ڈاکٹر ءَ گوشتگ کہ مروچی من لس بلوچاں گوش آں وھدیکہ بلوچ سرمچار آ اگاں گھار ءِ بہ بیت ، برات ءِبہ بیت ، ناکو ، کماش یا ورنائے شما گور ءَ کئیت گڈا آئی ءِ کمک ءَ بہ کن ایت ۔ مروچی مئے بازیں مردمے مئے میان ءَ نہ اِنت کہ آیانی تہ ءَ زانتکار ، ملا ءُ شاھدربرجاہ ءِ گریجویٹ ھوار انت ۔
آئی ءَ گوشتگ کہ مئے کچ ءُ کساس ءِ رد ءَ زورانسری آوار جنگ ءُ بندیگیں مردمانی کچ پنجاہ ھزار ءِ نزیک ءَ انت ۔ ما نمیران بوتگیں مردمانی ناماں یکجاہ کنگ ءَ انت ۔ من اے گپ ءَ نہ جن ایں کہ من جنگ کنوکیں درسیں سرمچارانی رھشونی ءَ کناں بلے بھیسیت ءِ سنگت درساں ھمے گوشگ لوٹاں کہ جنگ بس گوں سلاھاں کٹگ نہ بیت آ ماژگی ءُ ٹیکنالوجیاں گوں کٹگ بیت ۔ اے ٹیکنالوجی ءِ وھد ایں اشی ءَ کارمرز بہ کن ایت ، گوریلہ جنگ ءَ ابید یک standing Army دروشم ءَ بہ اوشت ایت ۔ من درسیں بی ایل ایپ ایریا کمان ، کیمپ کمان ءُ ٹیکٹیکل کامبیٹ یونٹ ءُ بی آر اے ایس ءِ سنگتاں گوں لوٹ کناں کہ آ سرجمی ءَ پوج ءِ وڈا بہ اوشت انت ۔
ڈاکٹر ءَ گوشتگ کہ بھارت ءَ وتی آجوئی بس گاندھی ءِ بے تشدد کنگ ءِ سوب ءَ نہ گپتگ برتانیہ دومی مزنیں جنگ ءَ بازیں تاوان ورگ ءَ پد چہ ھندوستان ءَ در اتکگ ۔ مئے دژمن بے زانت ، بداکلاک ءُ حقیرطل یے ۔ آ چہ میان استمانی کانوداں بے بلد انت ءُ برتانیہ ءِ گلامی ءَ بندوک انت ھما وڈ کہ انگریز ءَ اشی ءِ گوم ءَ گتگ ھما زوراکیاں بلوچ راج ءِ گوم ءَ کنگ ءَ انت ۔
من یکبرے پدا میان استمانی تاکتاں ھوار ھوار سیکورٹی کونسل ءِ باسک ءُ وتی لیکھی سنگت ءُ درسیں بلوچ راج ءَ گوشگ لوٹاں کہ بلوچستان پلگچ جوڈ بوتگ ۔ اے سرڈگار ءِ سرا ھچ وڈیں سرمایہ پھریز نہ بیت امریکہ بیت یاکہ برتانیہ ۔ ھمے زوتاں عاصم منیر ءَ مئے پت ءُ پیروکی زمین سوگات ءِ وڈا پیش کتگ ھما زمین کہ مئے کماشاں مات ءُ پت گوشتگ۔ پاکستان ءِ آرمی چیف دلالاں چہ یکے دراہ پوج ءِ کنٹرول انت ۔
ھما مردم کہ وت ءَ بلوچ ءِ ھیرواہ کن انت گوش انت کہ آیاں پروپیسر ءِ گپتگ ءُ جست ءُ پد کتگ ۔ کئے بہ زانت اےتوار آئی ءِ جندے توار انت یا دگر ئے ؟ آ گوش انت کہ ما ترا نوکری داتگ ، ما تئی لوگ بانک نوکری داتگ ، پدا اشی ءِ سرا گداری ءِ بھتام ءَ جن انت ۔ برتانیہ والایاں ھندوستانی ھم ریل ءُ دگہ جاھاں نوکری داتگ انت ، بلے آ وتی دست ءِ چیر ءَ کتگ انت ، وتی پنڈوک کتگ ءُ رازی کتگ انت ، آ نوکری ءِ گپ ءَ کن انت بلے ھچبر مارا واھند یا ھاکم بنگ ءَ نئیل انت ۔
درسیں جھان ءُ میان استمانی تاکتاں من ھمے گوشاں کہ ایسٹ تیمور ءِ آبادی 1.4 ملین بوتگ ءُ آئی ءَ آجوئی گپتگ اگاں آ ھما وھد ءَ ھلاس کنگ نہ بوتگ انت گڈا بلوچستان ءَ ھلاس کت نہ کن انت ۔ اے میتگاں کروڈاں مردم نشتگ شما لک مردم کشت کن ایت بلے پدریچ ءَ ھلاس کت نہ کن ایت ءُ آ گھگیری کنان بنت ۔
من دوبر وتی گھاراں گوشاں سلاہ چست بہ کن ایت ءُ وتی براتاں گوں ھمکوپگ بہ ایت ۔
ڈاکٹر ءَ انگریزی ءَ زبان ءَ گوشتگ کہ من انگریزی لپزاں کارمرز کنان ءَ گوشاں ” من وتی گھار ءُ چکاں دزبندی ءُ لوٹ کناں کہ نوآبادی ءُ میان استمانی استبلاشمینٹ ءِ بگیری ءَ سلاہ چست بہ کن ایت تاکہ ما وتی آجوئی ءَ گپت بہ کن ایں ءُ اے زالمیں ریاست ءِ گلامی زنجیراں بہ رک ایں
ھما گھار کہ پنجاپ ءَ نشتگ انت ءُ ھما برات کہ ھر کجا انت من شمارا چہ لوٹ کناں کہ آجوئی جنگ ءِ بھر جوڈ بہ بہ ئے ۔ شمے ھاک بلوچستان انت ۔ ما وتی سرڈگار ءَ پہ کسم وارتگ کہ آئی ءِ سرا مئے پت ءُ پیروکاں پنچ سد سال ءَ ھاکمی کتگ ءُ جھان ءِ ھاکمانی بگیری ءَ جنگ کتگ ۔ ما ھماھانی زھگ ایں مارا وتی راج ، دود ءُ ربیدگ ءُ گوستانک ءِ سرا پھر انت ۔
آئی ءَ گوشتگ کہ بلوچی درور ءِ دیگ لوٹاں نواب ھبیب اللہ نوشروانی ءَ آجوئی ءِ سپاھیگ نورا مینگل انگریزانی دست ءَ داتگ نورا مینگل ءَ گوشتگ کہ بے گیرتیں سردار مروچی اے زمہ واری منی سرا انت باندا شمے درسانی سرا بیت ، نورا مینگل نوں نیست ایں بلے آئی ءِ وارس ھستئےانت ۔ ھنچوش کہ نواب اکبر ھان ءَ سال 2004 ءَ گوشتگ کہ آ مر ایت بلے دژمن ءِ دیم ءَ سر ءَ جھل نہ کنت ۔ آئی ءِ وارس بس آئی ءِ کھول نہ انت ۔ بلکیں آ بلوچ راج ءِ یک سرمچار ءِ بوتگ ۔ من دوبر وتی سرمچاراں گوشاں کہ سرجمی ءَ پوج ءِ وڈا بہ اوشت ات ءُ چہ بلوچ راج ءَ لوٹ کناں کہ آیانی کمک ءَ بہ کن ایت ۔ ھر کسی گس ءَ توپکے ھست یا کسے ءِ گور ءَ آرت ھست کمک بہ کن انت ، پرچاکہ گوستانک زالم ءُ ایردست ءَ ھردوکاں پدر کنت ۔ ما ھر کسےءَ کہ وتی زند گوازینتگ مرچی بہ مر ایں یا باندا پرچاکہ سرمچار مرگ ءِ سنگت انت ۔
ڈاکٹر اللہ نزر بلوچ ءَ گوشتگ کہ ھر کجا نندوکیں درانڈیھی وتی سرڈگار ءِ ھاتر ءَ گپ جنت آ بانک کریمہ بہ بیت ، ساجد بلوچ یا زبیر پاکستانی ریاست آیاں کش ایت یا کماشیں استاد واھد کمبر کہ آئی ءَ من اے جھد ءِ سروک ءُ وتی استاد گوش آں کہ ھپتاد سال ءَ گیش آئی ءِ امر انت دل ءِ نادراھی ھم گون انت مروچی ریاست ءِ زنداناں بندیگ انت ما کول کن ایں کہ آیانی دیمھونی مپت ءَ نہ رو انت ءُ آیانی جاہ ھالیگ نہ بیت آ وت ھم بلوچ راج ءِ کمک ءُ یکجاھی ءِ ھمرائی ءَ واتر کائنت ۔
من وتی گھار ءُ چکاں بزاں زی جنریشن ءَ گوشگ لوٹاں کہ درساں گیش زانتکار ءُھنرمند انت آ ماھرنگ بہ بیت یا سمی کہ بید تشدد ءِ جھد ءَ کنگ ءَ انت ۔ پگر کن ایت ھمے دژمن ریاست ءَ وتی کشندہ ٹولی ءِ دست ءَ یک سنگتے ءِ سرا ارش کتگ ءُ آ مازور کتگ بلے ھما ریاست مروچی چہ ھمے لنگ ءَ ھم ترس ایت پرچاکہ کہ مزنیں راجے ھمیشی ءِ پشت ءَ اوشتوک انت ۔ منی وتی گھاراں گوش آں سلاہ چست بہ کن ایت ءُ وتی براتاںی ھمکوپگ بہ بہ ایت ءُ آجوئی ءِ ھاتر ءَ بہ اوشت ایت ۔ مئے پدریچ سرجمیں زند ءَ تاں مرگ ءِ ساھت ءَ گوں شما ھمکوپگ بنت ۔من میان استمانی تاکتاں دوبر مکن کناں کہ بلوچستان ءُ آئی ءِ مڈیانی نام ءَ مہ گر انت اے نمیرانیں سرانی زمین انت ۔ مئے دژمن روباھے کہ آئی ءِ باندات نیست آ وتی دروگاں وت ءَ دارگ لوٹ ایت ۔
یک نیمگ ءِ آ چین ءَ گوش ایت کہ من تئی آں آئی ءِ زراں ھرچ کنت ۔ چین ءِ دومی تک بلاک چین انت ۔ بلے بلوچستان ءَ آئی ءَ دنیگت یک دگ ءِ سرجم کت نہ کتگ آ چوں ریل ءِ پٹی ءِ سرجم کت کنت۔
ھمے واست ءَ من میان استمانی تاکتاں گوشگ لوٹاں کہ ھر یک بلوچ ءِ پہ تئی ھاتر ءَ یک ٹرگٹ میزائل ئے ۔ یک روچ ءِ مناں سنگتے جست کنت کہ مردم یک سلاھے یا سلاہ توپک انت کہ آئی ءِ پشت ءَ نندوک مردمے ؟ من گشت اناں بلوچ وت سلاھے ، آئی ءِ مجگ جان ءُ دلیری آئی ءِ راستیگیں سلاہ انت ۔
مئے ڈاکٹر ، انجینئیر ءُ وکیل نوں اے پگر مہ کن انت کہ آ بس بیوروکریٹس آں ، راستی ھمیش انت کہ آ پنجاپ ءِ سامراجی مشینری ءِ بھر انت آ وتی ھیسیت ءِ پجارگ ابید گوستانک ھچبر آیاں پھل نہ کنت ۔
ڈاکٹر ءَ گوشتگ کہ جھان بس تاکت ءِ شرپ ءَ کنت مارا ھما تاکت گرگی انت من ھمے گشاں پنجاپ پیش ءَ فزیولوجیکلی پروش وارتگ ءُ ما آئی ءَ سرجمی ءَ پروش دے ایں ۔ انشاءَاللہ آئی ءِ پوج پدکنزان انت ءُ آئی ءِ ایجنٹ رؤگ ءَ انت آئی ءِ پروش نزیک انت وھدیکہ آ مار انت بلوچ ءِ آجوئی نزیک انت گڈا آ مئے پلامرزی ءَ کن انت ھنچوش کہ آیاں ایسٹ تیمور ءَ کتگ ۔ عاصم منیر ٹاہ دنت پاکستان ءُ سئودی ارب اسلام نام ءَ برجم انت اے دروگ ئے گڈا ایندگہ ارب ڈیھ اوگانستان ، ایران ءُ شست ءَ گیش مسلمانانی چی ؟ ھمے واست ءَ من چہ میان استمانی تاکتاں لوٹ کناں کہ اے پلگچ ءَ پاداں ایر مہ کن ایت ۔ مروچی سرجمیں بلوچ راج اشتاتگ کسے گش ایت دو درسد ، کسے سے درسد اگاں دو درسد مئے گوم ءَ بوشت ایت گڈا آ دو لک جوڈ باں ، سے درسد سے لک ءُ یک کروڈ ئے ۔ من اکوام متھدہ گوش آں تو وتی ساکھ گار کتگ نوں تو لیگ آف نیشنز جوڈ بوگ ءَ ئے وتی واکاں کارمرز کن ۔
گڈسر ءَ آئی ءَ گوشتگ کہ مروچی من پشتون ، سندھی ، گلگت بلتستانی ءُ زرگپتیں پاکستانی کشمیر ءَ گوشگ لوٹاں بیا ات ءُ آجوئی جھد ءَ ھوار بہ بہ ئے بلوچ راج شمے گوم ءَ انت ۔
ڈاکٹر ءَ گوشتگ کہ بلوچ راج ، بلوچ آجوئی لوٹوک ، بیگواہ ، سیاسی بندیگ ءُ بلوچ گھارانی دیمھونیاں سلام کناں من نمیرانیں شاری ءُ ایندگہ درسیں بلوچ گھاریں نمیرانیں سراں دروت ندر کناں ءُ شمارا درساں جھد ءَ ھوار بوگ ءِ داوت دیاں ، اے شور جنگ ءِ وھد انت ۔ بلوچ راج زندگ بات ، بلوچ آجوئی جھد زندگ بات ، اللہ بہ کنت بلوچستان مدامی سرسبز شادان ءُ وشھال بات ۔
