پاکستانی لشکر ءُ مڈی لُٹ پُل کنوکیں گاڑیانی سر ءَ بیتگیں اُرشانی زمہ واری بی ایل اے ءَ منّ اِتگ اَنت

الم بوانیت

بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ مئے سرمچاراں کلات ءُ مستونگ ءَ دو جتاجتائیں کاروائیاں ءَ زورگریں پاکستانی پوج ءِ بُنجاھی بُنجل ءُ مڈی بروکیں گاڑی اُرش ءِ نشانگ کتگ اَنت-

جارکش ءَ گْوشتگ بی ایل اے ءِ سرمچاراں گوستگیں شپ ءَ کلات ءَ زورگریں پاکستانی پوج ءِ بُنجاھی بُنجل ھما وھد ءَ اُرش نشانگ کتگ وھدے زورگریں پوج ءِ کاروان بُنجل ءَ سر بیتگ- سرمچاراں بُنجل سر ءَ گرنیڈ لانچر ءَ چہ بازیں گولھے آس داتگ، چریشی ءِ آسر ءَ زورگریں پوج ءَ جانی ءُ مالی تاوان چست کنگ کپتگ-

جارکش ءَ گْوشتگ بی ایل اے ءِ سرمچاراں گوستگیں روچ ءَ مستونگ ءَ سے ھندانی سر ءَ بلوچ راجی مڈیانی لُٹ ءُ پُل ءَ ھوار نُھ گاڑی اُرشانی نشانگ کتگ ءُ تاوان داتگ اَنت- سرمچاراں ژلی ءِ ھند سر ءَ یک گاڑی یے، کوہ نور ھوٹل ءِ ھند سر ءَ دو، ءُ نواب ھوٹل ءِ ھند سر ءَ شش گاڑی نشانگ کتگ اَنت-

جارکش ءَ گْوشتگ سرمچاراں ڈرائیور کڈن کنگ ءَ پد یل داتگ اَنت- بلوچ مڈیانی لُٹ ءُ پُل ءَ ھواریں ڈرائیور ءُ واھُنداں چہ گوشگ لوٹ ایں کہ آ اے کار ءَ یل بہ کن اَنت، اگاں ناں وتی جانی ءُ مالی تاوان ءِ زمہ وار وت بنت-

بلوچ لبریشن آرمی اے اُرشانی زمہ واری ءَ منّ اِیت-

نوکتریں