شال ءُ مستونگ: 15 زورانسری بیگواھیں مردم یل بیتگ انت

چہ شال ءُ مستونگ ءَ پہ زورانسری بیگواہ کنگ بوتگیں پانزدہ مردم یل کنگ بوتگ اَنت۔

چہ شال ءَ ھالانی رد ءَ پانزدہ مردم کہ جتا جتائیں وھداں زورانسری بیگواہ کنگ بوتگیں مردم یل بیتگ ءُ وتی لوگاں سر بیتگ انت۔

یل بیتگیں مردمانی تہ ءَ خلیل احمد، عبداللہ کرد، شفیع محمد ساسولی، احمد خان بنگلزئی، زھور احمد رند، حبیب الرحمن لانگو، رزوان شاہوانی، بالاچ شاھوانی، باسد شاھوانی، محمد عارف جتک، گل میر سمالانی، مھمد زکریا کرد، عمیر احمد کرد ءُ یاسر سارنگزئی ھوار انت-

دومی نیمگ ءَ ڈسٹرکٹ بار ایسوسی ایشن مستونگ ءِ جنرل سیکرٹری چیف عطا اللہ بلوچ ایڈوکیٹ ھم گوستگیں شپ ءَ یل بیتگ –

اے دراھیں مردمانی یل بیگ ءِ ھال آیانی نزیکیں مردم ءُ سنگتاں کتگ انت-