روکپتی بلوچستان ءِ دو جتا جتائیں وئیلاں سَے مردم بیران بیتگ اَنت-
گیشیں اھوالانی رد ءَ سھل آباد ءِ ھند نھبندان ءَ ناشناسیں مردمانی تیرگواری ءَ دو مردم بیران بیتگ اَنت-
بیران بیتگیں مردمانی پجار امیر مھمود سنجرانی ء منصور ءُ حسین سارانی راد ء سید خان جھمنند سھل آباد نھبندان ءِ ناماں زانگ بیتگ اَنت-
ھمے وڑ ءَ جاسک ءَ یک مردمے ءِ لاش دزکپتگ-
اھوالانی رد ءَ دزکپتگیں لاش ءِ پجار ھاشم رندانی ء بت تما جھمنند کربلا سورک جاسک ءِ نام ءَ زانگ بیتگ-
اھوالانی رد ءَ ھاشم چیزے روچ ءَ پیش گار بیتگ ءُ گوستگیں پشمبے ءَ آئی ءِ لٹ ءُ کٹ کتگیں لاش شیھولی میتگ ءِ نزیک ءَ دزکپتگ-
اھوالانی رد ءَ ھاشم ءِ پونز ءُ گوش بُرگ بیتگ انت چریشی ءِ سبب ءَ آئی ءِ پجار کنگ مشکل بیتگ-