بلوچستان لبریشن فرنٹ ءَ جارکش میجر گوھرام بلوچ رسانکدر ءَ وتی شنگ کتگیں درشانے ءَ گوشتگ کہ دو روچ پیش مئے سرمچاراں چہ گل ءِ انٹیلیجنس ءِ ھالانی رد ءَ کاروائی کرتگ ءُ آواران ءِ ھند جھل جھاؤ ءَ زورگریں پاکستانی پوج ءِ کمکار احمد بخش پنام کچّو ء کریم بخش دزگیر کرتگ۔ ریاستی کمکار کچو گوستگیں یک سالے ءَ گیش اِنت پہ زورگریں پاکستانی پوج ءَ چاریگی ءِ کار ءَ کنگ ءَ بیتگ۔
آئی ءَ گوشتگ کہ جست ءُ پرس ءِ میان ءَ اے مردم ءَ وت منّ اتگ کہ آ جھل جھاؤ ءَ پہ زورگریں پاکستانی پوج ءَ چاریگی ءِ کار ءَ بوتگ ءُ نُھ اگست 2024 ءَ ھمبلیں سرمچار شھید لیپٹیننٹ شمبین پنام شیھک ءِ شھیدی ءَ تچکی ءَ ھوار بیتگ۔
جارکش ءَ گوشتگ کہ احمد بخش پنام کچو جست ءُ پرس ءِ میان ءَ سرجمیں مردمانی نام داتگ کہ آ شھید لیفٹیننٹ شیھک ءِ شھیدی ءَ ھوار بیتگ اَنت ءُ جھل جھاؤ ءِ کِر ءُ کشاں پہ پاکستانی پوج ءَ چاریگی ءِ کار ءَ کنگ ءَ اَنت۔ اے چاریگ ءِ منگی گپ تامربند ءِ دروشم ءَ پارٹی ءِ کِر ءَ ایر اَنت وھدے لوٹ ءَ راج ءِ دیم ءَ شنگ کنگ بیت۔
آئی ءَ گوشتگ کہ ریاستی چاریگی احمد بخش پنام کچو وتی ھمراھانی نام ءُ نشان ءُ گل ءِ انٹلیجنس ٹولی ءِ سرپدیانی بنیاد ءَ شھید لیفٹیننٹ شیھک ءِ شھیدی ءَ ھواریں ریاستی ڈیتھ اسکواڈ ءِ سرجمیں کارمنداں زوتاں چہ زوت آیانی گڈی آسر ءَ سر کن ایں۔
جارکش ءَ گوشتگ کہ ریاستی کمکار احمد بخش پنام کچو ءَ گوستگیں روچ ءَ آواران ءِ ھند جھل جھاؤ ءَ بی ایل ایف ءِ سرمچاراں تیرگواری کرتگ ءُ گڈی آسر ءَ سر کتگ۔
جارکش گوشتگ کہ بی ایل ایف ریاستی کمکار احمد بخش پنام کچو ءِ کوش ءِ زمہ واری ءَ منّ ایت۔