پاکستانی سروزیر ءِ بستگیں بھتاماں رد کن ایں، مئے تاکت ءُ سرشون بلوچ راج اِنت – بی ایل اے

بلوچ لبریشن آرمی ءِ جارکش جیئند بلوچ ءَ رسانکدراں شنگ کتگیں درشان ءَ گوشتگ بی ایل اے بلوچستان ءِ سر ءَ زورگریں کنوکیں ڈیھ پاکستان ءِ سروزیر ءِ نیمگ ءَ میان اُستمان ءِ جنرل اسمبلی ءِ ھپتاد ءُ نُھمی پتر ءَ جتگیں بھتام بے بنیاد اَنت “ بلوچ لبریشن ءُ بی ایل اے ءِ فدائی ونگ مجید بریگیڈ اوگانستان ءِ سرڈگار ءَ کارمرد کنگ ءَ اِنت ”، ترندی ءَ ایشی ءَ ما رد کن ایں کہ اے بھتام پاکستانی ریاست ءِ نیمگ ءَ بازیں وھداں ردیں اھوال تالان کنگ ءِ بھرانی بھر اِنت دانکہ بلوچستان ءَ پاکستان ءِ زوگری، زُلم ءُ زوراکی ءُ انسانی ھکانی لگتمالیاں دنیا ءِ نگاھاں ٹگلینت بہ کن ایں-

جارکش ءَ گوشتگ بلوچ لبریشن آرمی ءِ تاکت ،برجمی ءُ راجی پھریزی جنگ ءَ را کجام ھم ڈنی تاکتانی مھتاجی نہ اِنت بلکیں ایشی ءِ سیادی بلوچ سرڈگار ءُ بلوچ راج ءَ اِنت – مئے راجدپتر ءُ سیمسر مئے پھزدار اَنت- بلوچ سرمچارانی پناہ دگہ ڈنی سرزمینے ءَ نہ اِنت بلکیں وتی بنکی زمین ءِ کوھاں، کوراں ےُ وتی بلوچ راج ءِ میان ءَ رس ایت- بلوچ راج مئے تاکت ءِ راستیں کوپگ ءُ سرشون اِنت- پاکستان ءِ نیمگ ءَ مئے جد ءُ جھد ءَ را ڈنی ڈیھانی دزمانجنی ءَ ھوارینگ ءِ جھد بلوچ راج ءِ گھگیری ءُ بھادری ءِ کمشرپی اِنت-

آئی ءَ گوشتگ اے مزنیں مناپکی یے کہ پاکستان، چُشکہ کشمیر ءُ پلستین ءَ انسانی ھکانی لگتمالی ءِ گپ ءَ میان اُستمانء پتر ءَ کوکار کنت بلے ھما ڈول ءَ پاکستان بلوچستان ءِ توک ءَ وتی نوآبادیاتی زورگری ءُ اود ءَ بیوکیں انسانی ھکانی لگتمالی ءِ ھلاپ ءَ درگوز کنت اِنت- پاکستان ءِ نیمگ ءَ 1948 ءَ بلوچستان ءِ سر ءَ زورانسری گرگ ءُ بلوچ راج ءِ آجوئی ءِ بنکی واھش ءُ ھک ءَ یکشل ءَ دزگوز کنگ ھمے زُلمے کہ ایشی ءَ آ دنیا ءِ دیم ءَ ایرجنی ءِ ٹاہ ءَ دنت اِنت-

جارکش ءَ گوشتگ پاکستان ءِ نیمگ ءَ بلوچستان ءِ سر ءَ زورگری ءَ پد، دھکاں چہ انسانی ھکانی لگتمالی بوگ ءَ اَنت- زورانسری آوار جنیاں بہ گر ابید آمیدگسی پرماناں کوشاں داں، ریاستی مشینری ءَ بگیرداری ءِ لیکہ ءَ چیر دیگ ءُ جائزیں ھکانی جد ءُ جھد ءِ ھلاسینگ ءَ کارمرد کنگ ءَ اِنت – ھیومین رائٹس کمیشن آف پاکستان ءَ ھوار ھوار ایمنسٹی انٹرنیشنل ءُ ھیومین رائٹس واچ ءِ ڈولیں میان اُستمانی گلاں یکشل ءَ بلوچستان ءَ بیوکیں زُلمانی اھوال پیش کتگ اَنت، کہ بلوچستان ءَ پاکستانی جنگی جرائمانی پاشک کنگ ءَ بس اَنت- ھزارانی بلوچ سیاسی باسک، زانتکار ءُ نودربر زورانسری آوار جنگ ءُ بیگواہ کنگ بیتگ اَنت- ءُ پوجی کاروائیاں سرجمیں کمیونٹی تباہ کتگ اَنت- اے رستریاں پاکستان ءِ شیتاتی پندل دیم ءَ کیت اِنت کہ میان اُستمانی پتر ءَ انسانی ھکانی گپ ءَ کنت اِنت-

آئی ءَ گوشتگ راجدپتری دروشم ءَ بلوچ ءُ اوگان راج نزیکیں ھمسنتی اَنت – مئے دوستی اھمد شاہ ابدالی ءُ نوری نصیر خان ءِ زمانگ ءَ اِنت – کہ یک شرپے ءِ دروشم ءَ برجم اِنت – پاکستان ءِ نیمگ ءَ اے ٹاہ دیگ بیتگ کہ اوگان سرڈگار ءَ بلوچ گل کامرد کنگ ءَ اَنت اے چٹ بے بن اِنت ءُ مردمانی رد دیگ اِنت – ما دوبر اے گپ ءَ تچک ءَ گشین این کہ مئے پرکاری بلوچستان ءِ توک ءَ بنت اِنت – اود ءَ مئے مردم ءُ مئے زمین مارا سرجم ءَ پلامرزی ءُ پھزداری کنت اِنت-

آئی ءَ دیمتر ءَ گوشتگ پاکستان اوگانستان ءَ دزجن کنگ ءُ آئی ءَ گیش جھلانکداریں جیڑگانی آماچ کنگ ءِ راجدپتر ءُ دزرندی ھست اَنت – تُری آ سوویت اوگان جنگ بہ بیت یا ایشی ءَ پیشے ھالات ، پاکستان اوگانستان ءِ تھ ئِے جیڑھاں وتی دستاں ھوارینگ ءُ آئی ءَ رد دیگ ءُ وتی پنچمی اُستان گوشگ چیریں گپے نہ اِنت – پاکستان ءَ ھروھد ءَ وتی ترزی لوٹانی واستا وتی روکپتی ھمساھگیں ڈیھانی کارمرد کنگ ءِ جھد کتگ کہ چریشی ءِ آسر اوگانستان ءَ دھکاں مُشتگیں جنگ ءُ جدالانی دروشم ءَ دزکپتگ –

جارکش ءَ گوشتگ اے گپ یاتکنگی اِنت کہ پاکستان وتی سَے ھمساھگیں ڈیھاں سیادی ناوشی ءُ جنگ ءَ سکینی ءَ اِنت – چریشی ءَ پاکستان ءِ بے پرواھیں ڈنی پالیسی ءُ ھمساھگانی گون ءَ پرایمنی ءِ سیادی ءَ برجم دارگ ءَ بے سوبی ءِ منانک دزکپ اَنت – بلوچ لبریشن آرمی ءِ سر ءَ بھتام جنگ بس رد دیگ ءُ ھنری سازی یے دانکہ پاکستان ءِ تَھ ءِ بے سوبی ءُ بلوچ راج ءِ سر ءَ برجاھیں زُلم ءُ زوراکیاں دنیا ءِ دلگوش ءَ دور بہ کنت اِنت-

گیش گوشتگ کہ بلوچستان لبریشن آرمی، میان اُستمان ءَ پاکستانی سروزیر ءِ بے بنیں جتگیں بھتام ءَ ترندی ءَ ایر جنت ءُ رد کنت اِنت- بی ایل اے وتی راج ءِ پلامرزی ءُ وتی سرڈگار ءِ پھریزداری ءِ سر ءَ پھتوی ءَ ستک دار ایت – ما وتی آجوئی ءِ جد ءُ جھد ءَ برجاہ داریں تُری پاکستان میان اُستمانی برادری ءَ چنکس دار رد دیگ ءِ جھد ءَ کنت اِنت-