زورانسری آوار جنی ءِ ھلاپ ءَ پُرکاریں گل وائس فار بلوچ مسنگ پرسنز ءَ گْوشتگ کہ دل جان ءِ زورانسری آوار جنی ءِ درگت ءَ سرپدی کھول ءَ گل ءَ داتگ اَنت-
آیاں گْوشتگ کہ دل جان ء اللہ بخش پاکستانی پوج ءَ ھمے سال دوازدہ جون آئی ءِ لوگ ءَ برجاہ چہ مزار آباد تیرتیج آواران ءَ آوار جنگ ءَ پد زورانسری بیگواہ کتگ ءُ کھول ءَ سرپدی ھم دیگ ءَ نہ اِنت-
ھمے وڑ دین محمد مری ءِ زورانسری بیگواھی ءِ درگت ءَ سرپدی کھول ءَ گل ءَ داتگ اَنت-
آئی ءَ گْوشتگ کہ دین محمد مری ء مراد خان آئی ءِ لوگ نیوکاھان ھزاع گنجی چہ شال ءَ پوج ءَ ھمے سال بیست چار اگست درکانودی ھساب ءَ آوار جنگ ءَ پد بیگواہ کتگ-
گل ءِ جنرل سیکٹری سمی دین بلوچ ءَ گْوشتگ کہ آواران ءِ جھمنند دلجان بلوچ دوازدہ جون دوہزار بیست چار ءَ پاکستانی پوج ءَ زورانسری آوار جنگ ءَ پد بیگواہ کتگ ءُ انگت آئی ءِ کھول ءَ دلجان بلوچ درگت ءَ ھچ وڑیں سرپدی دیگ ءَ نہ بیگ ءَ اِنت کہ آ کجام جرم ءَ کجام کانود رد ءَ بیگواہ کتگ-
آئی ءَ گْوشتگ کہ آواران ھما دمگ اِنت کہ سرجمیں یک پوجی بُنجلے ءَ مٹ کتگ اود ءَ ھر دومی لوگ ءَ یکے ناں یکے بیگواھی ءَ اسرمند اِنت بلے ڈیھی رسانکدر اے وئیلانی واستا ھچبر جاگہ نیست انت وھدے راج ڈن ءَ در کئیت گُڑا درست ھیران بنت کہ بلوچستان ءَ اے وڑ پرچا بیگ ءَ اِنت کہ سرجمیں مردم اے اینچو مزنیں کچے ءَ درتکگ اَنت تئی بے تواری کانود پروشوکاں گیش گوشگ ءَ اِنت آ اے درکانودی کار ءَ مدام بہ کن اَنت-