پاکستانی پوج ءِ سر ءَ اُرش ءُ دزگیریں ریاستی چاریگری ءِ کوش ءِ زمہ واری ءَ من ایں – بی ایل اے

بلوچ لبریشن آرمی ءِ جارکش جیئند بلوچ ءَ وتی شنگ کتگیں درشان ءَ گوشتگ بلوچ لبریشن آرمی ءِ سرمچاراں کلات ءُ مستونگ ءَ دو جتا جتائیں کاروائیاں پاکستانی پوج ءُ آئی ءِ یک کمکاریں چاریگے راجی جرنداری ءِ بنیات ءَ کشتگ –

آئی ءَ گوشتگ بی ایل اے ءِ سرمچاراں گوستگیں شپ ءَ کلات ءِ دمگ منگچر ءَ زورگریں پاکستانی پوج ءِ بنجاھی بنجل ءِ پھزداری ءِ چوکی ءِ سر ءَ ھستیں کارندھانی سر ءَ بمبے چگل داتگ ءُ پد ءَ بنجاھی بنجل نشانگ کتگ ءُ اے اُرش ءَ کساس سَے کارندہ زدگ بیتگ اَنت – چریشی ءَ پد پروش وارتگیں پوج ءَ بے میارین آبادی ءِ سر ءَ تیرگواری کتگ –

جارکش ءَ گوشتگ بلوچ لبریشن آرمی ءِ سرمچاراں مستونگ ءِ ھند اسلپنجی، مَرو ءَ یازدہ اگست ءَ یک کاروائی ءَ پاکستانی پوج ءُ چیریں ادارھانی چیردستی ءَ جوڑ بیتگیں وتگڑیں ڈیتھ اسکواڈ ءِ یک کارندھے عبید کرد ء خدا بخش جھمنند سریاب شال دزگیر کتگ ءُ عبید کرد بازیں وھداں بی ایل اے ءَ چیر بیتگ-

آئی ءَ گوشتگ جست ءُ پرس ءِ وھد ءَ عبید کرد ءَ من اتگ کہ آ پاکستانی پوج ءِ گوشگ ءَ مَرو، کولپور ءُ دشت ءَ سلاہ بندیں ٹولیانی سروکی ءَ بیتگ کہ اے دمگ ءَ پوجی بیڑاں پاکستانی پوج ءِ گون ءَ تچک ءَ ھوار بیتگ آئی ءَ من اتگ کہ پوج ءِ ھمراھی ءَ آئی ءَ مَرو ءَ ٹکری واھد کرد ءُ ائی ءِ کستریں برات داد مھمد کرد ءُ دگہ بازیں مردمانی بیگواہ کنگ ءَ ھوار بیتگ-

جرمداریں عبید ءَ من اتگ دمگاں زورگریں پوج ءُ آئی ءِ سلاہ بندیں ٹولی ءَ دُزی ءُ ڈنگیان ھوار آوار جنی ءُ لب گیری سرجمی ءَ مھار گٹ ءَ دیگ بیتگ اَنت – عبید ءَ من اتگ آ وتگڑیں ڈیتھ اسکواڈ ءِ سروک شفیق مینگل ءَ تچکی ءَ گوں ھوار بیتگ ءُ سال دوھزار ءُ یازدہ ءَ شفیق مینگل ءِ سر ءَ بلوچ لبریشن آرمی ءِ مجید برگیڈ ءِ اُرش ءِ وھد ءَ آئی ءَ پانزدہ زدگ بیتگیں مردم ھسپتال ءَ سر کنگ ءِ کمک کتگ اَنت-

آئی ءَ جست ءُ پرس ءِ وھد ءَ وتی نیٹورک ءَ ھواریں دگہ مردمانی نام ءُ اھوال داتگ اَنت-

جارکش ءَ گوشتگ عبید کرد راجی گداری ءِ بوگ ءَ بلوچ راجی آمیدگس ءَ مرگ ءِ سزا داتگ ءُ بی ایل اے ءِ سرمچاراں گوستگیں روچ ءَ گامگیج زرتگ ءُ گڈی ءَ آسر کتگ –

جیئند بلوچ ءَ گوشتگ بلوچ لبریشن آرمی اے جرمدار ءُ زورگریں پوج ءِ سر ءَ بیتگیں اُرش ءِ زمہ واری ءَ من ایت ءُ زورگریں پوج ءُ آئی ءِ شریدار مئے نشانگ ءِ توک ءَ اَنت-