گوستگیں مگرب ءِ وھد ءَ بلوچستان ءِ دمگی شھر سبّی ءَ پاکستانی لشکر ءُ سلاہ بندیں مردمانی میانجی ءَ میڑے بوتگ۔
ٹی بی پی ءَ رس اتگیں اھوالانی در ءَ ڈھاڈر ءِ ھَند سَبری ءَ مگرب وھد ءَ پاکستانی لشکر ءُ سلاہ بندیں مردمانی میاجی ءَ جنگ ءُ چوپ بوتگ، میڑ ءَ تیرگواری توار داں دیر ءَ برجاہ بوتگ انت۔
میڑ ءِ سوب ءَ بوتگیں جانی ءُ مالی تاوان ءِ بابت ءَ انگت ءَ ھچ ڈولیں اَھوال ءِ نہ رس اتگ اَنت۔
دمگی بنشون ءِ در ءَ اے ھَند ءَ پاکستانی لشکر ءِ بازیں کارمندے جنگجاہ آتکگ ءُ سر بیتگ انت۔ لشکر ءِ بازین کارمندے اے ھند ءُ دمگ ءَ ساڑی اَنت البتہ واکدارانی نیمگ ءَ اے بابت ھچ ڈولیں ھیالے دیم ءَ آرگ نہ بیتگ ۔