کیچ ءَ چہ زورانسری بیگواہ بیتگیں عابد بلوچ ءِ کھول ءَ ڈپٹی کمشنر کیچ ءَ گوں نیاد کُتگ ءُ آئی یل کنائنگ ءِ لوٹ کُتگ۔
گوستگیں ھپتگ ءَ چہ آپسر ءَ بیگواہ کنگ بیتگیں عابد بلوچ ءِ کھول ءَ پنچ شمبے ءَ ڈپٹی کمشنر کیچ میجر (ر) بشیر احمد بڑیچ ءَ گوں نیاد کُتگ ءُ گوں آئی ءَ عابد بلوچ ءِ بیگواھی ءِ سرءَ تُرس ءِ درشان کنان ءَ آئی ءَ پہ سلامتی یل کنائنگ ءَ پہ کمک ءِ دزبندی کتگ۔
اے وھدءَ تربت سول سوسائٹی ءِ کنوینر گلزار دوست ھم ھوار بیتگ۔
ڈپٹی کمشنر کیچ ءَ کھول ءَ اَے گپ ءِ باوری داتگ کہ آ اے بابت ءَ باز زیت سانمندیں کھول ءَ گوں ھال کنت ءُ عابد بلوچ ءِ یل کنائنگ ءَ باوری کنت۔