ھدوستان: مراگش ءِ وھد ءَ مندر ءِ پَرش پُرشتگ ءُ آیوکیں مردم چات ءَ کپتگ اَنت

ھندوستان ءَ مندر ءَ مراگش ءِ وھد ءَ مندر ءِ پَرش ناگتی پرشتگ ءُ نازیں آیوکیں مردم چات ءَ کپتگ اَنت ءُ آیانی کشگ ءِ جھد ءَ اَنت-

انڈیا ٹوڈے ءِ رپورٹ ءِ رد ءَ وئیل ریاست مدھیہ پردیش ءِ شھر اندور ءِ شری بالیشور مھادیو مندر ءَ ھما وھد ءَ پیش اتکگ اود ءَ بازیں اتکگیں مردم یکجاہ مُچ بیتگ اَنت-

گوشگ بیتگ کہ مندر ءِ یک چاتے ءَ لینٹر مان کنگ بیتگ فرش جوڑینگ بیتگ گیشیں زور ءِ سبب ءَ پُرشتگ –

وئیل ءِ یک تامر بندے ھم دیم ءَ اتکگ بیتگ کہ آئی ءَ گندگ بیت اِنت مردم تچگ ءَ اَنت-

رپورٹ ءِ رد ءَ وئیل ءَ پد کمکی کار بندات اَنت ءُ شش مردم چہ چات ءَ کَشگ بیتگ اَنت-

دمگی مردمانی گوشگ اِنت کہ وئیل ءِ ھال دیگ ءَ ابید ھم ایمبولینسز ءُ فائر بریگیڈ ءِ گاڑی ھما دمان ءَ سر نہ بیتگ اَنت-

انڈیا ٹو ڈے ٹی وی ءِ رد ءَ اے وھد ءَ بیست ءُ پنچ ءَ گیش آیوکیں مردم چات ءِ توک ءَ اَنت کہ آیانی کشگ برجاہ اِنت –

انڈیا ءِ ھندو دین ءِ مراگشانی وھداں وئیل پیش اتکگ بیتگ اَنت ءُ ھمے سال ءِ بیست ءُ سَے جنوری ءَ ریاست تامل ناڈو ءَ دروپتی مندر ءَ مراگشے ءِ وھد ءَ کرکنگ ءِ کپگ ءَ مردم بیران ءُ پنچ زدگ بیتگ اَنت-

رسانکدری رپورٹ ءِ رد ءَ وئیل رانی پت ءِ دمگ دروپتی مندر ءَ پیش اتکگ بیتگ – چم دیستگیں مردمانی رد ءَ کرینگ ءِ سر ءَ مورتیاں برگ ءَ بیتگ اَنت ھمے وھد ءَ ھشت مردم کرینگ ءِ دومی بھر ءَ سوار بیتگ اَنت-

چیر ءَ جاڑیگیں مردماں کرینگ ءِ سواریں مردمانی ڈن ءَ گپتگ ءُ ھمے وھد ءَ کرینگ برزی فٹ ءَ بیتگ ءُ پد ءَ وتی وس ءَ ڈن ءَ شتگ بیتگ ءُ چریشی ءَ مردم کپتگ اَنت –