ٹوئٹر ءِ مالیت 44 ارب ءِ کم بیتگ ءُ 20ارب ڈالر ءَ سر بیتگ

کساس پنچ ماھاں پیسر ایلون مسک ءِ نیمگ ءَ چل ءُ چار ارب ڈالر ءَ ٹوئٹر زیرگ ءَ پد آئی ءِ مالیت ءِ نسپ کساسی کم بیتگ-

فرانسیسی ھال سر کنوکیں ایجنسی اے ایف پی ءِ رد ءَ ٹوئٹر ءِ مالیت نی بیست ارب ڈالر ءِ کساس ءَ سر بیتگ بلے ایلون مسک ءِ گوشگ اِنت آ تاواناں اوپار کت کنت-

ایلون مسک ءَ ٹوئٹر ءِ ملازماں یک ای میلے ءَ گوشتگ کہ آ مالی درچاں کمپنی ءِ گون ءَ ھوارینگ بنت ءُ ملازم بیست ارب ڈالر مالیت ءَ اسٹاک گرانٹس دیگ ءِ پیشکش کنگ بیتگ –

ایلون مسک ءِ گوشگ اِنت ٹوئٹر وتی ملازماں “حصص ” مٹ ءَ زَر دیگ ءِ اجازت دیگ بیت اِنت-

ایلون مسک ءَ ٹوئٹر ءَ مالیت ءِ بے رھمانہ ءَ بے کدرتی ءِ گپ کنان ءَ گوشتگ کہ ٹوئٹر اے وڑیں ترندیں مالیانی دیمپانیانی کنگ کپتگ کہ یک وھدے ءَ ایشی ءِ چیر ترینگ ءَ سر بیتگ –

شمبے ءِ روچ ءَ ایلون مسک ءَ ٹویٹ ءَ گوشتگ کہ ٹوئٹر ءَ سالانہ ءِ سَے ارب ڈالر ءِ تاوان اِنت-

آئی ءَ گوشتگ کہ سالانہ یک ارب ءُ پنجاہ کروڑ ڈالر ءِ رسگ ءَ کمی ءُ اے کساس ءَ وامانی کم کنگ ءِ گپ کنگ بیتگ-

آئی ءَ گوشتگ کہ آئی ءِ گور ءَ بس چار ماہ ءِ زر ایر کنگ بیتگ اَنت-

ایلون مسک ءِ ٹوئٹر ءِ گیشتر شیئر ھولڈر ءَ گوشتگ کہ اے ناوشیں جاورھالے –

بلے آئی ءَ گوشتگ کہ ایشی ءِ اے سال ءِ اولی سَے ماھی ءَ دارگ بیت اِنت – اکتوبر ءَ ٹوئٹر ءِ بھا زیرگ ءَ پد ھزارانی ملازم کشگ بیتگ اَنت-

ایلون مسک ءَ ای میل ملازمیناں گوشتگ کہ آ ٹوئٹر ءِ مالیت ءَ دو سد ءُ پنجاہ ارب ڈالر ءَ داں سر کنگ لوٹ ایت آئی ءِ واستا اے مشکلیں راھے ءِ روگ اِنت بلے اے تچک کنگ نہ بیتگ –