بولان: ھور ءِ سبب ءَ لوگ ءِ کود ءِ کپگ ءَ جنکے بیران، دو کس زدگ بیتگ اَنت

بلوچستان ءِ دمگ بولان ءَ توپانی ھوراں یک جنکوئے ءِ ساہ گپتگ اَنت، بسلان بھاگ ناڑی ءِ ھند ءَ گاں ریھانزئی نیو ءَ ھورانی وھد ءَ لوگ ءِ کود کپتگ ءُ چریشی ءَ شفیع محمد ء بیرم خان ءِ دوازدہ سالی ئیں جنک بیران بیتگ ءُ دگہ دو کس زدگ بیتگ اَنت-

این ڈی ایم اے، موٹرویز اینڈ ھائی ویز پولیس ءُ دگہ ادارھانی نیمگ ءَ بلوچستان ءَ مولمی جاورانی درگت ءَ پی ڈی ایم اے ءَ بلوچستان ءَ سپرانی درگت ءَ سر ءُ سوجی شنگ کتگ اَنت-

ایشی ءَ ھوار ھوار کوھی دمگاں تر ءُ تاب ءَ سپر کنوکیں مردم ھم سرپدی دیگ بیتگ اَنت کہ دانکہ آ دگہ کھر ءُ توپاناں بہ رک اَنت-

بلوچستان ءِ ڈیزاسٹر مینجمنٹ اتھارٹی ( پی ڈی ایم اے) تر ءُ تابی کنوکاں کُلگ ءُ تپ ءُ پنشانک ءُ دگہ دگہ نادراھیانی رکگ ءِ ھاتر ءَ گوھرداریں گد گورا کنگ ءُ آیاں مساپراناں کڈن کنان ءَ گوشتگ کہ پی ڈی ایم اے ءِ درگت ءُ گوشگ بیتگیں ایڈوائزری ءِ دراھیں وکدارانی شَور ءُ سلاہ اِنت ءُ وت ءَ شیوار بہ کن اَنت-