چھبار: ایرانی چیریں ادارھانی دست ءَ دو کس بیگواہ

روکپتی بلوچستان ءِ تیابدپی شھر چھبار ءَ ایرانی چیریں ادارھانی دست ءَ دو نودربر دزگیر کنگ ءَ پد بیگواہ کنگ بیتگ اَنت-

گیشیں ھالانی رد ءَ آوار کنگ بیتگیں نودربرانی پجارمھمد گمشادزئی ءُ مھران شاھنوازی ء نوروز ءِ ناماں زانگ بیتگ اَنت-

ھالانی تہ ءَ گوشگ بیتگ کہ اشانی توک ءَ مھمد مکینیکل انجینئرنگ ءِ نودربرے کہ آوار جنگ ءَ پد ناشناسیں زنداناں برگ بیتگ-

ھمے وڑ ءَ مھروان ھاش ءَ دریانوردی شھدربرجاہ ءِ کیمسٹری ءِ نودربرے کہ چھبار ءِ جھمنند اِنت-

زانگ بہ بیت روکپتی بلوچستان ءَ ایرانی لشکر ءُ چیریں ادارھانی نیمگ ءَ نودربراں دگہ پھناتاں سیادی داروکیں مردمانی آوار جنگ ءُ بیگواہ کنگ ءِ درچ یکشل ءَ برجاہ اَنت-