بلوچستان ءِ دمگ بولان ءَ پاکستانی پوج ءِ توژگ بروکیں گاڑی ناشناسیں سلاہ بندیں مردماں دگ ءِ کش ءَ چیرکتگیں بمبے ءَ گوں نشانگ کتگ ءُ دومی نیمگ ءَ اے اُرش ءِ زمہ واری بلوچ آجوئی لوٹوکیں سلاہ بندیں گل بلوچ لبریشن آرمی ءَ منّ اِتگ-
بلوچ لبریشن آرمی ءَ بولان ءَ پاکستانی پوج ءِ سر ءَ بیتگیں اُرش زمہ واری منّ اِتگ-
بلوچ لبریشن آرمی ءِ جارکش جیئند بلوچ رسانکدر ءَ شنگ کتگیں درشان ءِ تہ ءَ گْوشتگ کہ بی ایل اے ءِ سرمچاراں بولان ءِ دمگ انڈس ءَ یک چیرکتگیں بمب اُرش ءَ دُژمنیں پوج ءِ ھاتر ءَ توژگ بروکیں یک گاڑی یے نشانگ کتگ، چریشی ءِ آسر ءَ دُژمنیں پوج ءِ دو کارندہ سک ٹپی بیتگ وھدے کہ گاڑی تباہ بیتگ –
جیئند بلوچ ءَ دیمتر ءَ گْوشتگ کہ بلوچ لبریشن آرمی اے اُرش زمہ واری ءَ منّ اِیت- دُژمن ءِ سرجمی ءَ دراھگ ءَ تاں مئے اُرش برجاہ بنت-