ھزدار ءَ تراک ءَ زدگ بیتگیں مردم مرتگ

بلوچستان ءِ دمگ ھزدار ءَ گوستگیں روچاں تراک ءِ آسر ءَ زدگ بیتگیں زدگ بیتگیں ممتاز ء کریم غلامانی جھمنند جعفر آباد ھزدار ءَ دردے نہ سگ اتگ ءُ مرتگ –

ممتاز پنام ءِ ممتو گوستگیں روچاں ھزدار ءِ دمگ کنڈ ءَ گاڑی ءِ سر ءَ بیتگیں تراک ءَ سک زدگ بیتگ اَت – تراک ءَ آئی ءِ ھمراہ عامر غلامانی ھم زدگ بوتگ ات – ممتاز ناگیگیں جاوراں شال ءَ برگ بیتگ ات اود ءَ آئی ءَ وتی درد نہ سگ اتگ ءُ مرتگ بیتگ –

اے تراک ءِ زمہ واری بلوچ لبریشن آرمی ءَ من اتگ ات – گل ءِ جارکش جیئند بلوچ ءَ وتی درشان ءَ گُشتگ ات ھردوکیں مردم ڈیتھ اسکواڈ ءِ سروکی کنوکیں شفیق مینگل ءِ گون ءَ بازین وھدے ءَ کار ءَ بیتگ اَنت اے مردم لوگانی سر ءَ بیڑ، ورنایانی آوار جنی ءُ شھید کنگ – نشہ ءِ تالان کنگ ءِ ھوار ھوار تاجراں ملام کنگ ءُ دگانی سر ءَ دُزی ءُ ڈنگیاں ھوار بیتگ اَنت-

جارکش ءَ گشتگ ات کہ اے مردمانی سرجمیں نیٹورک ءِ پجا بیتگ اَنت کہ بی ایل اے ءِ نشانگ ءِ تہ ءَ اَنت ءُ بلوچ لبریشن آرمی مھلوک ءِ بیوکیں زُلمانی ھساب ءَ الم گپت اِت اِنت-