بلوچستان ءِ دمگ کیچ ءَ گوستگیں شپ ءَ پیش اتکگیں یک وئیلے زالبولے ءِ سر ءَ اُرش کنگ بیتگ ءُ کُشگ بیتگ-
وئیل کیچ ءِ دمگ مند لبنان ءَ پیش اتکگ، پولیس ءِ رد ءَ گوستگیں شپ ءَ لبنان مند ءَ لھتے مردماں کارچانی گون ءَ مسماہ (م) جھمنند پُل آباد تمپ کُشتگ –
مند پولیس ءِ رد ءَ وئیل ءَ ھواریں جرمکارانی بگیری ءَ برانز گران ءَ جرمکار دزگیر کتگ اَنت بلے پولیس ءَ داں انگت ءَ جرمکارانی نام پدر نہ کتگ اَنت-
وئیل ءِ بارو ءَ دگہ گیشیں ھال دیم ءَ نیتکگ اَنت-
زانگ بہ بیت بلوچستان ءَ زالبولانی سر ءَ اُرش وھد وھد ءِ سر ءَ برجاہ اَنت گوستگیں وھداں تربت ءَ ملکناز ءُ تمپ ءَ گلثوم ھم ھمے وڑ ءَ کُشگ بیتگ ات اَنت-