بلوچستان ءِ بنجاھی شھر شال ءَ نیشنل ڈیموکریٹک پاٹی ءِ آرگنائزر رشید کریم بلوچ ءُ دگہ مردماں پریس کانفرنس ءَ تران کنان ءَ گوشت کہ افغانستان ءِ تہ ءَ پناہ گزینیں بلوچاں مزنیں کساسے ءَ جانی ءُ مالی تاوان ءِ دیمپانی انت – بلوچستان ءِ تہ ءَ ایمنی ءِ جیڑہ گیشتر ھرابتر بوان انت ٹارگٹ کلنگ، اسٹریٹ کرائم ءِ وڑیں وئیل یکرندے پد ءَ بوگ انت – سی ٹی ڈی ءِ نیمگ ءَ دروگیں میڑ ءَ جنگ بوتگیں مردمانی درگت ءَ نوٹس زیرگ بہ بیت ءُ نوک اتکگیں آئی جی پولیس ھوار ءَ درسیں زمہ دار آمیدگس ءَ لوٹارینگ بہ بنت –
آھانی گوشگ ات کہ اے دمگاں بدل بؤکیں جاورھال ھاسکر افغانستان ءِ جاور ھال سرجمیں دنیا ءَ ھوار ھاسکر سنٹرل ایشیاء ھاتر پگر کنگی اِنت افغانستان ءِ بدل بؤکیں سیاسی ءُ چاگردی بدلی ءَ سرجمیں دنیا سرینتگ ھر نیمگ ءَ تُرس ءِ ودّان انت اے وھدی افغانستان ءِ تہ ءِ جاور ھالانی سوب ءَ ھمساھگیں ڈیھاں ھوار بلوچ وڑیں ایردستیں راج ءِ ھاتر ءَ ھم تُرس وھد ءَ کمتر نہ انت بلوچستان ءِ گوم ءَ بلوچستان ءِ دراجیں سیمسر ءِ سبب ءَ اے مزنیں بدلی ءَ اسر زورگ یکینی یے- افغان میاربند یک مزنیں کساسے ءَ بلوچستان ءَ آیگ سوب ء بلوچستان ءِ تہ ءَ ڈیموگرافک بدلی ترس ھم ھست انت ءُ شال وڑیں کسانیں شھر ءِ اے بدلی بنجاہ زانگ بوگ ءَ انت – ما ھمے پھم ایں کہ اد ءَ اتکگیں افغان پناھگزین میان استمانی کانودانی رِد ءَ آ بس پناھگزینانی بنجلانی تہ ءَ بہ بنت ءُ آئی ءِ ھمراھی ءَ آھاں مھاجر پجار کارڑ دیگ بہ بیت یک مھاجر ءِ وڑ آھانی پجار برجم دارگ بہ بیت –