پاکستانی پوج ءُ ڈیتھ اسکواڈ ءِ کارندھانی سر ءَ بیتگیں اُرش ءِ زمہ واری بی ایل ایف ءَ منّ اِتگ اَنت

بلوچستان لبریشن فرنٹ ءِ جارکش میجر گوھرام بلوچ ءَ مشکے ءَ پاکستانی پوجی چوکی ءُ ھوشاپ ءَ ڈیتھ اسکواڈ ءِ کارندہ ءِ سر ءَ اُرش ءِ زمہ واری منّ اِتگ اَنت –

بی ایل ایف ءِ جارکش میجر گوھرام بلوچ ءَ ناشناسیں جاھے ءَ رسانکدراں شنگ کرتگیں درشانی ءَ گُشتگ کہ سے شمبے ءِ شپ ءَ سرمچاراں مشکہ ءِ ھند گجلی ءَ ھستیں فوجی چوکی ءِ سر ءَ راکٹ ءُ دگہ سلاھانی سر ءَ اُرش کتگ کہ چریشی ءَ چوکی سرجم ءَ تباہ بیتگ چوکی ءَ جاڑیگیں کارندہ مرتگ ءُ زدگ بیتگ اَنت –

میجر گوھرام بلوچ ءَ گیشتر گشتگ کہ کیچ ءِ دمگ ھوشاپ گونڈسرین ءَ پاکستانی پوج ءِ ڈیتھ اسکواڈ ءِ مزنیں کارمند غفور ء گنگزار چار شمبے ءِ روچ ءَ نشانگ کتگ-

آئی ءَ دیمتر ءَ گُشتگ کہ ریاستی ڈیتھ اسکواڈ مسلہ دپاہ ءِ دمگانی سروکی ءَ لاٹو سعید ءِ باسک ءُ ڈپٹی سروک غفور ء گنگزار ءِ سر ءَ اُرش کتگ چریشی ءَ آ سک زدگ بیتگ اُرش ءَ پد پاکستانی پوج ءَ اتکگ ءُ آ جاندراھی ءِ واستا کیچ ءُ کراچی ءَ برتگ –

جارکش ءَ گُشتگ کہ آ ھوشاپ ءُ کش ءُ گوراں بلوچانی چاریگری،آوار جنگ ءُ کُشت ءُ کوشاں پاکستانی پوج ءِ گون ءَ بیتگ- اے دمگاں ریاستی ناشرکاری ءِ واستا کمک ءَ اے ٹولی ھر وھد ءَ دیم ءَ بیتگ – ھما دست کہ بلوچانی نسل کُشی ءُ جنگی جرماں پاکستان ءِ ھمراھداری ءَ کنگ ءَ اَنت آیانی گون ءَ پاکستانی پوج ءِ رنگ ءَ پیش آیگ بیت اِنت ءُ ھما رنگ ءَ سزا دیگ بنت- اے وھد ءَ پاکستان بلوچ نسل کشی، جنگی جرم ءُ انسانیت ءِ ھلاپ ءَ جرماں سرگوز کنگ اِنت – عالمی رھبندانج رد ءَ اے سنگینیں جرم اَنت چوشکہ بلوچ راج پاکستان ءِ کمک ءُ کمکاراں دور بہ بنت –