روکپتی بلوچستان ءَ آمیدگس ءِ پرمان ءَ یک بلوچ جنکے سَے سال ءِ زندانی کرتگ

ایرانی آمیدگس ءَ جنگولیں گل داعش ءِ پلامرزی ءِ بھتام ءَ یک بلوچ جنکے سَے سال ءَ زندانی کرتگ –

روکپتی بلوچستان ءِ دمگ بندر عباس ءَ یک ھبدہ سالی ئیں جنکے سَے سال ءِ زندانی کرتگ –

کمپین فعالین بلوچ ءِ رد ءَ گوستگیں روچاں روکپتی بلوچستان ءِ دمگ دادگاہ بندر عباس ءَ اھمد علی ءِ جنک کہ آئی ءِ عمر ھبدہ سال اِنت آ گلانی پلامرزی ءِ بھتام ءَ زنداناں کنگ بیتگ –

آئی ءِ گوشگ اِنت کہ اھمد الی روکپتی بلوچستان ءِ بنجاھی شھر دزاپ ءَ کار ءَ بیتگ کہ اود ءَ انی آ جھمنند بیتگ ءُ گوستگیں روچاں آئی ءِ جنک آمیدگس ءِ پرمان ءَ سَے سال ءَ زندانی کنگ بیتگ –

ایرانی آمیدگس ءِ رد ءَ اھمد الی ءِ جنک ءَ یک ماھے ءَ پیسر چاگردی رسانکجاہ انسٹاگرام ءَ جھان ءِ ناشرکاریں گل داعش ءِ پلامرزی ءَ پوسٹ کرتگ ءُ چریشی ءِ سر ءَ آئی ءِ سر ءَ داعش ءِ پلامرزی ءِ ھال دراتکگ اَنت –

کمپین بلوچ فعالین ءِ گوشگ اِنت کہ ایرانی آمیدگس ءَ اھمد الی ءِ جنک ءِ زمانتی ءَ سَے سد میلیون تومان لوٹگ ءَ اِنت ءُ چریشی ءِ سر ءَ اھمد الی ءِ گور ءَ سَے سد میلیون تومان کجا چہ درکیت اِنت –

آئی ءِ گوشگ اِنت کہ شمبے ءِ روچ ءَ آمیدگس ءَ آئی ءِ سر ءَ بھتام جتگ ءُ چوشیں وکیل ھم اے جنک ءِ کمک ءَ درنیتکگ –

آئی ءِ گوشگ اِنت کہ باید اھمد الی ءِ جنک سپاھی کنگ ءَ موہ دیگ بہ بیت ءُ آئی ءِ گون انساپ بہ بیت چوش یکترپ ءَ بندیگ کنگ انسانی ھکانی لگتمالی اِنت –