دی بلوچستان پوسٹ
پنجگور ءَ ھوار بلوچستان ءِ جتائیں جاھاں تیرگواریانی وئیل یکشل ءَ بیگ ءَ اَنت –
ٹی بی پی پتر ءَ سر بوتگیں ھالانی رد ءَ پنجگور ءِ دمگ گرمکان ءَ تیر گواری ءِ وئیلے ءَ یک مردمے ٹپی بوتگ ـ
ٹپی بوتگیں مردمے پجار عبدالقیوم نام ءَ چہ بوتگ ـ
پولیس ءِ رِد ءَ اے وئیل زمینی جیڑھے ءِ سر ءَ دیم ءَ اتکگ ـ ٹپی بوتگیں مردم ھما دمان ءَ ھسپتال ءَ سر کنگ بوتگ ءُ ٹپ درمان کنگ بوتگ انت ـ
دومی نیمگ ءَ مچ ءَ اشکرانی چات ءِ وئیل ءَ سَے مزدور ٹپی بوتگ ـ
اھولکار ءِ رِد ءَ مچ ءَ اشکرانی چات ءَ ساد ءِ سِدگ ءِ سوب ءَ سَے پوریاگر ٹالی ءَ چیر ترینتگ اَنت ـ چریشی ءِ سوب سَے مردم برکت، یعقوب ءُ دگہ چات جن ءِ ٹپی بوتگ ـ
ٹپی بوتگیں مردم ھما دمان ءَ درمان کنگ بوتگ ءُ پہ گیشیں درمانی ءَ شال ءَ دیم دیگ بوتگ انت ـ