مصر ءِ شھر جیزہ ءِ نزیک ءَ دو ریل گاڑیانی ڈیک ورگ ءَ کم چہ کم ھپت مردم بیران سد ءَ چہ گیش ٹپی بیتگ انت-
مصری ریلوے بنشون ءِ رد ءَ جیزہ ءُ قاہرہ ءَ چہ جنوب ءِ نیمگ ءَ رؤکیں دو ریل گاڑیاں ڈیک وارتگ چہ اے وئیل ءَ ریل ءِ بازیں بوگی چہ پٹری ءَ ایر اتکگ ءُ جھلگ ءَ کپتگ انت-
وئیل ءَ پد کمکی کار بُنگیج کنگ بیتگ انت وھدے وئیل جاہ ءَ چہ دیم ءَ اتکگیں تامر ءُ اکساں چہ چپی بیتگیں بوگیاں ٹپی ئیں مساپرانی شوھازگ ءَ مردم گندگ بنت-
مصری صدر عبدالفتاح السیسی ءَ گشتگ کہ آئی ءَ چہ ھستیں ریاستی واکداراں وئیل ءِ پیش آیگ ءِ سبب ءِ بے پرواھی کنوکیں مردمانی پٹ ءُ پول ءِ لوٹ کتگ-