بلوچستان ءِ ھند گوادر ءُ کیچ ءَ تیرگواری ءُ زوراکیں بیگواہ کنگ ءِ دو جتا جتائیں وئیل بوتگ کہ ایشی ءِ تہ ءَ جیونی ءِ دمگ پانوان ءَ تیرگواری ءَ یک مردمے ٹپیگ بوتگ ءُ کیچ ءِ دمگ چہ پل آباد ءَ سے مردم زورانسری بیگواہ کنگ بوتگ اَنت۔
ھالانی رد ءَ دمگی مردمانی گوشگ ءِ رد ءَ گوادر ءِ جیونی ءِ دمگ پانوان ءَ ریاستی ڈیتھ اسکواڈ ءِ تیرگواری ءَ مھمد انور بلوچ ٹپیگ بوتگ۔
گُوشگ بوتگ کہ مھمد انور بلوچ کائک (لانچے) ءِ ناھدا اِنت۔
دمگی مردماں گْوشتگ کہ پیسر ءَ 14 اکتوبر 2026 ءَ ھمے دمگ ءَ تیل ٹینکر ءِ کارمندانی سر ءَ تیرگواری ءِ وئیل بوتگ کہ ایشی ءِ آسر ءَ دو مردم بیران ءُ بازینے ٹپیگ بوتگ اَنت۔
دومی نیمگ ءَ کیچ ھند پل آباد ءِ دمگ ءَ پورسز ءُ ڈیتھ اسکواڈ ءِ مردمانی دست ءَ سے مردم دزگیر کنگ ءُ زوراکی ءَ بیگواہ کنگ ءِ ھال دیم ءَ اتکگ انت۔
دمگی مردمانی رد ءَ بیگواھیں سئیں مردمانی تہ ءَ دو ءِ پجار بوتگ ابداللہ ء راشد ءُ سلیم ء غلام قادر ءِ ناماں بوتگ اَنت وھدے کہ سیمی مردم ءِ پجار انگت ءَ پدر نہ بوتگ۔