کیچ ءِ دمگ کلبر ءُ آئی ءِ کش ءُ گوراں چہ گوستگیں روچ ءَ فوجی آپریشن ءِ برجاہ اِنت کہ ایشی ءِ تہ ءَ پیادگیں لشکر ھم بھر زورگ ءَ اَنت۔ آپریشن ءِ وھد ءَ جتاجتائیں دمگاں فوجی کارندھانی زمینی سر ءُ پر برجاہ انت۔
دمگی مردمانی رد ءَ آپریشن گوستگیں روچ ءَ بندات بوتگ ءُ انگت ءَ برجاہ اِنت۔ آپریشن ءِ تہ ءَ پیادگیں لشکر ءِ ھوارجتا جتائیں جاھاں سر ءُ پراں گندگ بوھگ ءَ انت۔
انوگ ءَ تاں آپریشن ءِ وھد ءَ ھچ وڑیں جانی ءُ مال ءِ تاوان ءِ ھال سر نہ بیتگ انت۔ آپریشن ءِ بابت ءَ گیشتریں ھال ءُ اھوال چہ واکداراں شنگ کنگ نہ بوتگ اَنت۔