بلوچستان ءِ بنجاهی شهر شال ءَ ایف سی ءِ تیرگواری ءَ 12 سالی زھگ حمزہ بیران بوتگ۔
بنشون ءِ رد ءَ مرچی نیمروچ ءَ شال ءِ بالی پٹ ءِ نزیک ءَ چہ سمنگلی ءَ محمد نبی ءِ چک 12 سالی ئیی حمزہ ٹپیگ دست کپتگ۔
اولی رند ءَ ٹپیگیں حمزہ ءَ را شہریاں بولان میڈیکل کمپلیکس ءِ نادراھجاہ ءَ سر کتگ ءُ چہ اودا رند ءَ ٹراما سنٹر ءَ سر کتگ۔
بیمارستان ءِ وسیلگ ءِ رد ءَ حمزہ وتی ٹپانی سبب ءَ بیران بوتگ۔ اے وئیل ءَ پد دمگ ءِ مردماں بچک ءِ لاش سمنگلی ءِ بالی پٹ ءِ دیم ءَ ایر کنان ءَ زھرشانی کتگ۔
سمنگلی ءِ بالی پٹ ءِ دیم ءَ نودربر ءِ بیرانی ءِ ھلاپ ءَ لوگ ءِ مردم زھرشانی کنگ ءَ اَنت ءُ اے وئیل ءِ بابت ءَ گیشتریں ھال انگت ءَ پدر نہ بوتگ اَنت۔