ڈاکٹر ماھرنگ بلوچ ءُ صبغت اللہ ءِ پیشی ءَ سرکاری دفاعی وکیل ءِ ھساب ءَ پیش بوتگیں سید اقبال شاہ اہڈوکیٹ ھزدار ءِ ایڈیشنل ایڈوکیٹ جنرل کنگ بوتگ ۔
اشی ءِ گچین بلوچستان سرکار ءِ سوبائی لاء آفیسرز آرڈیننس 2001 ءِ سیکشن 3 ءِ رد ءَ شنگ کنگ بوتگیں نوٹیفکیشن نمبر Admn /law / 5337-47-13/2026-4 ءِ رد ءَ کنگ بوتگ ۔ نوٹیفکیشن ءِ رد ءَ وزیر اعلی بلوچستان سرفراز بگٹی منگ نامہ ءَ پد اے یک سالے ءِ ھاتر ءَ کنگ بوتگ ۔
اے اگدہ ءِ سرا آئی ءَ ھمک ماہ ھشتاد ھزار ، نان پریکٹسنگ الاؤنس دو لک ، نندگ ءُ سپری بیست ھزار ، سرکاری گاڑی ءُ اشی ءَ ھوار ھمک ماہ 10 ھزار ، پون ءُ دگہ مراعات بلوچستان سرکار ءِ نیمگ. دیگ بنت ۔
بلوچ یکجھتی کمیٹی ءِ گوشگ انت کہ آئی ءِ سروکاں آمیدگسی کار بائیکاٹ کتگ انت ءُ پہ وت وکیل نہ دارگ ءِ جار جتگ بوتگ ، بلے اشی ءَ ابید سید اقبال شاہ سرکار ءِ نیمگ ءَ دفاعی وکیل ءِ ھساب ءَ انسداد دھشتگردی آمیدگس شال ءَ پیش بوتگ ءُ پیشی ءَ ملزمانی نمائندگی کتگ ۔
زانگ بہ بیت پیشی ءِ کسانیں آمیدگسی کاروائی ءَ پد آمیدگس ءَ ڈاکٹر ماھرنگ بلوچ ، شاہ جی گوادر ءَ بوتگیں راجی مچی ءِ وھد ءَ مرتگیں ایپ سی کارمند شبیر بلوچ ءِ کوش ءِ ارزی ءَ امر کیز ءِ سزا داتگ انت ۔
بی وائی سی ءُ آئی ءِ پلامرزاں ھوار وکیل، سیاسی پاٹیانی گوشگ انت کہ سید اقبال شاہ ھمے واست ءَ ھزدار ءِ ایڈیشنل ایڈوکیٹ جنرل ءِ اگدہ دئیگ بوتگ کہ آئی ءَ ھمے پیشی ءِ صلہ دیگ بوتگ ۔