دشت: پاکستانی لشکر ءِ آپریشن دو مردم بیگواہ

بلوچستان ءِ دمگ کیچ دشت ءَ پوج ءَ بیڑ برتگ ءُ دو مردم آوار جتگ انت-

گیشیں ھالانی رد ءَ دشت ءِ دمگ بلنگور کلیرو ءَ پاکستانی لشکر ءَ بیڑ برتگ ءُ دو مردم آوار جتگ انت-

آوار جنگ بیتگیں مردمانی پجار امداد ء بیگ محمد ءُ حاصل ء بکشی ءِ ناماں زانگ بیتگ انت-

اھوالانی رد ءَ امداد چیزے روچ ساری ھم پوج ءَ آوار جتگ ءُ بیگواہ کتگ ءُ پد ءَ یل داتگ ءُ مروچی دوبر آوار جتگ ءُ برتگ-

اھوالانی رد ءَ حاصل ءِ زھگ ابوبکر گوستگیں سال ءَ پوج ءَ آوار جتگ ءُ بیگواہ کتگ ءُ پد ءَ سال 2025 نومبر 28 ءَ آئی ءِ لاش ماں تربت ءَ دزکپتگ-

بلوچستان ءَ مردمانی آوار جنگ ءُ بیگواہ کنگ ءَ پد آیانی ژانگولیں لاشانی دزکپگ برجاہ انت ءُ اے درگت ءَ انسانی ھکانی گل یکشل ءَ زھر ءِ درشان ءَ کنگ ءَ انت-