بلوچستان ءِ دمگ کیچ ءَ ھواریں دمگ زامران ءَ ایف سی ءِ دست ءَ آوار جنگ بیتگیں پت ءُ چُک کُشگ بیتگ انت-
گیشیں اھوالانی رد ءَ زامران دربلی ءَ ایف سی ءَ یکم مئی دوھزار ءُ بیست ءُ شش ءَ کھدہ پیر مھمد ءِ لوگ ءِ سر ءَ بیڑ برتگ ءُ آ گوں زھگ عبداللہ ءَ آوار جتگ ءُ پد ءَ ھردوک بنجل ءُ برتگ ءُ کُشتگ انت-
اھوالانی رد ءَ پیر مھمد ءَ گچینی مردمانی تہ ءَ ھوار بیتگ ءُ دمگ ءَ آ ھما ڈلگیں مردمانی تہ ءَ ھوار بیتگ کہ آئی ءِ شرپ ءُ شانے بیتگ-
دومی نیمگ ءَ بلوچ نیشنل مومنٹ ءِ انسانی ھکانی ادارہ پانک ءِ رد ءَ اے وئیل یکم مئی ءَ پیش اتکگ اود ءَ ایف سی ءَ بیڑ برتگ ءُ کماش پیر مھمد گوں وتی زھگ عبداللہ ءَ آوار جنگ بیتگ ءُ پد ءَ ھردوک کُشگ بیتگ انت-
پانک ءَ لوٹ کتگ اے وئیل ءِ پٹ ءُ پول کنگ بہ بیت ءُ اے وئیل بلوچستان ءَ زورانسری بیگواھی ءُ پد ءَ درکانودی کوشانی پدراھی ءَ کنت کہ اود ءَ کجام کساس ءَ انسانی ھک لگتمال بوگ ءَ آں-