بلوچستان پوسٹ پارٹی (بی این پی ) پنجگور ءِ گوستگیں ضلعی صدر ءُ گوستگیں چیئرمین یونین کونسل پروم عبیداللہ بلوچ ءِ کستریں برات نصراللہ خان گوستگیں شپ ءَ سی ٹی ڈی ءَ دزگیر کتگ ءُ بیگواہ کتگ-
عبداللہ بلوچ ءَ رسانکدر ءَ گوشتگ کہ وئیل گوستگیں شپ ءَ کساس یک یک نیم بیتگ وھدے آ وتی لوگ بانُک ھمراھی ءَ شال ءِ دمگ اے ون سٹی ءَ برجاہ لوگ ءَ ساڑی بیتگ- آئی ءِ رِد ءَ پولیس ءِ وردیانی تہ ءِ کارندھاں لوگ سر ءَ بیڑبرتگ، پٹ ءُ پول کتگ ءُ آئی ءِ کستریں برات نصراللہ خان وتی ھمراھی ءَ برتگ-
آئی ءَ گْوشتگ کہ وئیل ءَ پد کھول ءَ نزیکیں بروری تھانہ ءَ ھال داتگ، بلے اود ءَ چہ ھم ھچ وڑیں شریں پسّہ نہ رستگ- آئی ءِ گوشگ اِنت کہ تنی وھدے شھر ءِ ھچ تھانہ ءَ نصرت اللہ خان ءِ دزگیری پدر نہ کتگ، چریشی ءَ کھول سک ترس آماچ اِنت-
عبیداللہ بلوچ ءَ دیمتر ءَ گوشتگ کہ آئی ءِ برات ھلاپ ءَ ناں ایف آئی آر ھست ءُ ناں آ کجام وڑیں درکانودی پُرکاری ءَ ھوار اِنت- آئی ءَ لوٹ کتگ کہ ھمگرنچیں واکدار زوت نصراللہ خان ءِ دزگیری ءَ پدر بکنت ءُ آئی ءَ آمیدگس ءَ پیش بہ کن اَنت-