بلوچستان ءِ دمگ پنجگور ءَ گوستگیں شپ ءَ یک رندے پد ءَ شاھدگ سلاہ بنداں بستگ ءَ مزنیں گاڑیانی سر ءَ تیر گواری کتگ ءُ تاوان داتگ انت۔
گوستگیں شپ ءَ مزنیں کساسے ءَ سلاہ بندیں مردماں پنجگور داں چیدگی ءَ بنجاھی شھدگ ءِ سر ءَ کلاکانی کلاک راہ بستگ۔ ھمے.وھد ءَ آیاں ٹریلر ءُ دگہ گاڑی ھوار یازدہ مزنیں گاڑیانی ٹائرانی سر ءَ تیرگواری کتگ ءُ آ تاوان داتگ انت۔
ایشی ءَ پیش یک شمبے ءِ شپ ءَ راہ بستگ ءُ وھد ءَ سلاہ بندیں مردماں ھمے رنگ ءَ دوازدہ مزنیں گاڑیانی سر ءَ تیرگواری کتگ تاوان داتگ اَنت۔
چہ دوئیں وئیلاں ھچ وڑیں جانی تاوان ءِ ھال نیست۔