فیفا ورلڈ کپ 2026 گوازی برجاہ ، مروچی سویزرلینڈ ءُ بوسینا ، کنیڈا ءُ گتر ، میکسیکو ءُ ساؤتھ کوریا ءِ میان ءَ بوتگیں گوازی ءَ سویزلینڈ ءَ یک پہ چار گول ءَ ، کنیڈا ءَ شش ، میکسیکو ءَ یک گولے ءَ باج برتگ ۔
سویزرلینڈ ءُ بوسینا ءِ میان ءَ بوتگیں گوازی ءَ اولی آپ ءَ ھچ گول دیگ نہ بوتگ بلے دومی آپ ءَ سوئس ءِ لیبیاں جوانی گوازی پیش داشتگ ءُ چار گول داتگ ءُ گوازی کٹ اتگ ۔ گوازی ءَ دو گول منزمبی ءَ داتگ ءُ یک یک گولے روبین ءُ زاکا ءَ داتگ ۔ بوسینا ءِ نیمگ ءَ بس یک گولے 93 منٹ ءَ دیگ بوتگ ۔
کنیڈا ءُ گتر ءِ میان ءَ بوتگیں گوازی ءَ کنیڈا ءِ نیمگ ءَ شش گول دیگ بوتگ وھدیکہ گتر ءِ نیمگ ءَ ھچ گول دیگ نہ بوتگ ءُ گتر ءِ لیبی گول اسکور کنگ ءَ سرجمی ءَ بے سوب بوتگ انت ۔
کنیڈا ءِ نیمگ ءَ اولی گول لارین ءَ داتگ وھدیکہ اولی آپ ءَ ڈیوڈ 29 منٹ ءَ دو گول داتگ ۔ دومی آپ ءَ سلیبہ ءَ چارمی گول داتگ ۔ گوازی ءِ 75 منٹ ءَ گتر ءِ لیبی منائی ءِ ردی ءَ چہ بال وتی گولاں جتگ ءُ گول بوتگ ۔ انجری وھدی ڈیوڈ ءَ سیمی گول داتگ ءُ ھیٹرک کتگ ۔
میکسیکو ءُ ساؤتھ کوریا ءِ میان ءَ بوتگیں گوازی ءَ میکسیکو ءَ یک گولے ءَ گوازی کٹ اتگ ۔ میکسیکو ءِ نیمگ ءَ اے گول میکسیکو ءِ لیبی لوئس رومو ءَ 50 منٹ ءَ داتگ ۔