بلوچستان ءِ دمگ کیچ ءِ بنجاھی شھر تربت جوسک ءَ ناشناسیں مردماں ٹھیکیدار ءِ سڑک جوڑ کنگ ءِ مشینریانی سر ءَ اُرش کتگ – اھوالانی رد ءَ اُرش ءِ آسر ءَ یک گاڑی یے ھم سوچگ بیتگ۔
دمگی اھوالانی رد ءَ اے وئیل ایم 8 شاھدگ ءَ سڑک ءِ جوڑ کنگ ءِ کار برجاہ بوتگ کہ اود ءَ اے وئیل بوتگ۔
اے وئیل ءِ گیشتریں ھال ءُ اھوال ءُ تاوان ءِ کساس ءِ بابت ءَ سرکاری تک ءَ ھچ وڑیں سرکاری بیان شنگ نہ بوتگ وھدے کہ سیکورٹی ادارگانی نیمگ ءَ پٹ ءُ پول کنگ بوگ ءَ انت۔
زانگ بہ بیت اے دابیں اُرش گیشتر بلوچستان ءِ آجوئی لوٹوکیں سلاہ بندین گلاں کتگ انت بلے اے اُرش ءِ زمہ واری انگت ءَ کس ءَ پہ وت ءَ نہ زرتگ-
ھمے وڑ گوستگیں روچ ءَ ڈیرہ مراد جمالی ءَ ھم دگ ءِ جوڑ کنوکین کمپنے ءِ سر ءَ اُرش بیتگ ات کہ آ اُرش ءِ زمہ واری بی آر جی ءَ من اتگ ات-
گل ءِ جارکش دوستین ءِ رد ءَ ڈیرہ مراد جمالہ پٹ فیڈرل پیرویل ءَ دگ ءِ جوڑ کنوکین کمپنی ءِ سر ءَ اُرش کتگ ءُ اود ءَ جاڑیگیں مشینری تباہ کتگ انت-