امریکہ ءُ ایران ءِ نیام ءَ جنگ بندی ءِ وھد ءَ جنگ ھلاس بیتگ – ٹرمپ ءِ انتزامیہ ءِ ٹاہ

ٹرمپ انتزامیہ ءِ یک کلانیں باسکے ءَ پنچ شمبے ءِ روچ ءَ گوشتگ کہ اپریل ءِ بندات ءَ امریکہ ءُ ایران ءِ نیام ءَ جنگ بندی ءَ چہ دوئیں ملکانی نیام ءَ جنگ ءُ چوپ ھلاس بوتگ انت۔

اے بیان ھما وھد ءَ شنگ بوتگ کہ جنگی تاکتانی گیش ءُ گیوار ءِ ھاتر ءَ کانگریس ءِڈیڈ لائن ھلا بوگ ءَ اِنت۔

صدر ٹرمپ ءِ گور ءَ داں آدینگ ءَ وھد ھست کہ آ یا ایران ءِ گوں جنگ ءَ ھلاس بہ کنت یا کانگریس ءَ بہ گش ایت کہ آ جنگ ءَ برجاہ بہ دار ایت ءُ جنگ ءِ سبباں بہ گش ایت۔

میان استمانی ھال رسانکی ادارہ روئٹرز ءِ رد ءَ اے کارندہ ءَ انتزامیہ ءِ لیکہ ءِ درشانی کتگ ءُ گْوشتگ: ”جنگ کہ 28 فروری ءَ جنگی تاکتانی کانون ءِ رد ءَ بندات بوتگ ھلاس بوتگ۔“

آئی ءَ گیش کرتگ کہ سئے ھپتگ ساری ءِ جنگ بندی ءَ پد امریکا ءُ ایرانی سلاھبندانی نیام ءَ ھچ وڑیں جنگ ءُ مڑ نہ بوتگ ۔

1973 ءِ قانون ءِ رد ءَ صدر ءَ را اجازت دیگ بیت کہ آ 60 روچ ءَ چہ کانگریس ءَ اجازت ءِ لوٹگ ءَ ابید فوجی کارروائی ءَ برجاہ بہ دار ایت بلے ایشی ءَ پد آ یا اے کار ءَ ھلاس بہ کنت یا کانگریس ءَ چہ اجازت لوٹ ایت یا 30 روچ ءِ توسیپ ءِ بنیاد ءَ ”فوری فوجی ضرورت“ ءِ بنیاد ءَ پہ سلاہ بندیں مردمانی ایمنی ءَ المی بہ کنت.