بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں درشان ءَ گوشتگ کہ بی ایل اے ءِ سرمچاراں تربت ءَ اُرشے ءِ میان ءَ زورگریں پاکستانی پوج ءِ یک کمکارے کشتگ۔
جارکش ءَ گوشتگ کہ سرمچاراں گوستگیں روچ ءَ تربت ءِ ھند ڈنک ءَ یک اُرشے ءَ چاریگ امان اللہ ء گلام جھمنند گوکدان کشتگ۔ اے مردم زورگریں پوج ءِ جوڑ کتگیں کشندہ ٹولی ءِ یک پرکاریں باسکے بیتگ۔
آئی ءَ گوشتگ کہ کمکار امان اللہ ءَ زورگریں پوج ءَ 2020 ءَ بلوچ آجوئی لوٹوکیں گلانی تہ ءَ ھوار بوگ ءُ چاریگی کنگ ءِ گوشتگ بیتگ۔ بی ایل اے ءِ چیریں تک ءَ نہ ایوک ءَ اے شوربندی بلکیں اے مردم ءِ کارانی بابت ءَ سرجم ءَ سرپدی داتگ ۔ سرمچاراں چیریں تک ءِ ھالانی بنیاد ءَ گوں آئی ءَ وتی رھوتکاری برجاہ داشتگ دانکہ گوں آئی ءَ نزیکی بہ کن اَنت۔ اے کمکار امان رند ءَ چہ سرمچارانی چاریگی ءَ بے سوب بیتگ ءُ سرینڈر ءِ دروگے بستگ ءُ تچک ءَ گوں کشندہ ٹولی ءَ ھوار بیتگ ۔
آئی ءَ گوشتگ کہ کمکار امان تربت ءِ ھند گوکدان، بھمن، شاھی تمپ ءُ کِر ءُ کشانی ھنداں کار ءَ بیتگ۔ آئی ءِ ٹولی گساں بیڑ برگ، ورنایانی زوریں بیگواھی ءُ کوشاں ھوار بیتگ۔ چہ آیاں اے مردم ھم لشکر ءِ کمکار بیتگ۔ اے کمکار ءَ تربت ءَ پاکستانی پوج ءَ تر ءُ گردانی میان ءَ جاھانی پکا کنگ ءِ زمہ واری ھم داتگ۔
گیش گوشتگ کہ بلوچ کشیں میارباریاں ھوار بوگ ءِ بنیاد ءَ بلوچ آمیدگس ءَ پہ امان ءَ مرگ ءِ سزا گوشتگ ، ھمیشی ءِ بنیاد ءَ سرمچاراں گامگیج زرتگ ءُ آ گڈی آسر ءَ سر کتگ۔
درشان ءِ گڈسر ءَ گوشگ بیتگ کہ بلوچ لبریشن آرمی اے اُرش ءِ زمہ واری ءَ من ایت ءُ جار جنت کہ اے ٹولی ءَ ھواریں دگہ مردمانی نشانگی بیتگ کہ آیاں زوت سرمچار نشانگ کن اَنت ءُ گڈی آسر ءَ سر کن اَنت-