شال ءُ گوادر ءَ ناشناسیں مردماں پاکستانی پورسز نشانگ کتگ

بلوچستان ءِ بنجاھی شھر شال ءُ تیابدپی شھر گوادر ءَ ناشناسیں مردماں پاکستانی پورسز نشانگ کتگ-

اھوالانی رد ءَ شال ءِ دمگ کرانی ءَ سَے گاڑیاں ھواریں اے ٹی ایف ءِ کاروان ناشناسیں مردماں بمب ءِ نشانگ کتگ-

تراک ءَ یک گاڑی ءَ بازیں تاوانے رس اتگ ءُ دگہ گاڑیاں کمے کساس ءَ تاوان بیتگ-

واکداراں اُرش ءِ راست کنان ءَ گوشتگ اُرش ءَ ھپت کارندہ زدگ بیتگ انت کہ ایشانی توک ءَ یکے ءَ ٹپ نہ سگ اتگ ءُ بیران بیتگ-

ھمے وڑ ءَ گوادر ءَ ناشناسیں مردماں کوسٹ گارڈ نشانگ کتگ-

اھوالانی رد ءَ گوادر ءِ شھر ءَ کوسٹ گارڈ ءِ بنجاھی بنجل ءِ پھزداروکیں ناشناسیں مردماں دزبمبے ءِ نشانگ کتگ-

داں انگت ءَ اے اُرشانی زمہ واری ھچ ءَ پہ وت نہ زرتگ انت- مروچی کیچ ءَ ھوار بلوچستان ءِ دگہ جاھاں ھم پورسز ءَ اُرشانی دیمپانی کنگ کپتگ-