بولان : پوچ چیک پوسٹ سر ءَ اُرش ءُ گیس پائپ لائن سر ءَ بیتگیں تراک زمہ واری یو بی اے ءَ منّ اِتگ اَنت

یونائیٹڈ بلوچ آرمی ءِ جارکش مزار بلوچ ءَ رسانکدر ءَ شنگ کتگیں درشان ءِ تہ ءَ گؤشتگ کہ مئے سرمچاراں گوستگیں شپ ھشت نزیک ءَ بولان ءِ دمگ بی بی نانی ءَ برجاھیں زورگریں پاکستانی پوج ءِ بُنجاھی چیک پوسٹ سر ءَ تُرندیں اُرشے بیتگ چریشی ءِ آسر ءَ زورگریں پوج ءَ جانی ءُ مالی تاوان چست کنگ کپتگ-

جارکش ءَ دیمتر ءَ گْوشتگ کہ بی بی نانی ءِ ھند سر ءَ دگہ یک اُرشے ءَ گیس پائپ لائن تراکناکیں شورواں چہ تباہ کتگ چریشی ءِ آسر ءَ پائپ لائن ءِ یک مزنیں بھرے تباہ بیتگ کہ آئی ءِ زمہ واری ءَ مئے گل منّ اِیت-

جارکش ءَ گْوشتگ کہ مئے اے وڑیں اُرش زورگپتگیں بلوچستان ءِ وتواجھی ءَ تاں برجاہ بنت-