بلوچستان ءِ دمگ چہ بارکھان ءَ دگہ سے نپر زورانسری بیگواہ کنگ بوتگ انت-
بارکھان ءِ دمگ چہ رڑکن ءَ چیزے روز پیسر بجار خان حسنی ءُ آئی ءِ دو برات زتک سید خان حسنی ءُ جعفر خان بیگواہ کنگ بوتگ اَنت۔
گوستگیں یک ھپتگے ءِ میان ءَ چہ بارکھان ءَ ھشت مردم زورانسری بیگواہ کنگ بوتگ انت۔
بلوچستان ھمک دمگاں زورانسری بیگواھیانی اے دابیں وئیل ھمُک روچ دیم ءَ آیگ ءَ اَنت ایشی ءَ ھوار کیچ ءِ جتا جتائیً دمگانی تہ ءَ نشانگ کنگ ءِ وئیل دیم ءَ آیگ ءَ اَنت۔
چاگردی ءُ سیاسی مردمانی مُتابک ءَ ورنایانی نشانگ کنگ ءُ کُشگ ءِ تہ ءَ ریاستی ءِ پلامرزی سلاہ بندیں ٹولی ڈیتھ اسکواڈ دزمانجن اِنت
وھدیکہ زورانسری بیگواھیاں چہ رند آجو کنگ بوتگیں مردماں ھوار سیاسی کارکناں اے نشانگ کنگ ءُ کُشگ ءَ انت۔
زورانسری بیگواھیانی ءُ نشانگ کنگ ءُ کُشگ ءِ ھلاپ ءَ بلوچ یکجھتی کمیٹی ءَ بلوچستان ءِ بازیں جاھاں زھرشانیانی جار پرینتگ انت-