ھُزدار : ایس ایس پی کارگس سر ءَ دستی بمب اُرش زمہ واری بی ایل ایف ءَ منّ اِتگ

الم بوانیت

بلوچستان لبریشن فرنٹ ءِ جارکش میجر گْوھرام بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ سرمچاراں ھُزدار ءَ پولیس ءِ ایس ایس پی ءِ کارگس دستی بمب اُرش ءَ نشانگ کتگ-

جارکش ءَ گْوشتگ کہ بیست دو جنوری ءِ شپ ءَ نُھ نیم ءَ سرمچاراں ھُزدار ءَ ایس ایس پی ءِ کارگس سر ءَ ھما وھد ءَ اُرش کتگ وھدے ایس ایس پی اود ءَ ساڑی بیتگ- دستی بمب گوں تُرندی ءَ ترکّ اِتگ چریشی ءَ چہ پوج ءَ جانی ءُ مالی تاوان دیمپانی کنگ کپتگ-

جارکش ءَ گْوشتگ کہ اے اُرش زورگریں پوج ءِ ھلاپ ءَ مئے جُھد بھر اِنت، کہ یک آجو بلوچستان ءِ جوڑ بیگ ھاتر ءَ برجاہ بنت- ما وتی مڈی ءُ راج ءِ پھازگ ھاتر ءَ ھرچ وڑیں گامگیج زوریں ءُ دُژمن ءِ کجام زوراکی ءِ پسّہ ءَ گوں تُرندی ءَ دے ایں- گل ءَ راج ءَ چہ دزبندی کتگ کہ آ زرمبشت آجوئی ءِ بھر بہ بنت ءُ زورگر ءِ توانمندانی ھلاپ ءَ بہ اوشت اَنت-

آئی ءَ گْوشتگ کہ بلوچستان لبریشن فرنٹ اے اُرش زمہ واری ءَ منّ اِیت، ءُ بلوچستان ءِ وتواجھی ءَ تاں پوج ءَ را نشانگ کن ایں-

نوکتریں