بلوچستان : دو جتاجتائیں دمگاں پوج سر ءَ اُرش ءُ یک بمبے تراکے بیتگ

بلوچستان ءِ دمگ کیچ ءَ پاکستانی پوج ءِ بُنجل سر ءَ اُرش ءُ نصیر آباد ءَ یک بمب تراکے بیتگ سے مردم ٹپی-

گیشیں ھالانی رِد ءَ کیچ ءِ بُنجاھی شھر تربت ءِ دمگ آبسر ءَ پاکستانی پوج ءِ اصغر گیٹ بُنجاھی بُنجل ناشناسیں سلاہ بندیں مردماں اُرش ءِ نشانگ کتگ-

دمگی اِھوالکار گوشگ اِنت کہ اُرش وھد ءَ تیرگواری ءُ تراکانی توار ھم اش کنگ بیتگ وھدے کہ پوج ءَ تاوان دیمپانی کنگ کپتگ-

بلے اُرش ءِ درگت ءَ انگت واکدار نیمگ ءَ ھچ وڑیں درشان دیم ءَ نیتکگ ءُ اُرش زمہ واری انگت ھچ گل ءَ نہ زرتگ-

ھمے وڑ نصیرآباد ءَ کٹوھر پُھل ءِ ھند سر ءَ دگ کنارگ ءَ تراک ءِ نشانگ ءَ آیگ ءَ دگہ چہ گوزوکیں گاڑی سواریں سے مردم ٹپی بیتگ اَنت-

ٹپی ٹیچنگ نادُراھجاہ ڈیرہ مراد جمالی ءَ برگ بیتگ اَنت- تراک ءَ چہ گاڑی ءَ سک تاوان رس اِتگ-

بلے وئیل سوب انگت زانگ نہ بیتگ-