ھرامستان
نبشتہ کار : سوکی بلوچ
دی بلوچستان پوسٹ
وتگڑیں چاگردے ءِ تہ ءَ مھلوک ھدا ءَ چونیں رنگے ءَ تصور کنت ءُ آ ھدا ءِ نیمگ ءَ چے اُمیت دار اَنت؟ اسل ءَ ھدا گندگ نہ بیت کہ چے وڑینے ءُ چے بلاھے۔
اسل ءَ یک گلامیں چاگردے ءِ تہ ءَ ھدا پہ آیاں اُمیتے، ءُ ھمے اُمیت ءِ یکین ءَ وت ءَ دلجم کنگ ءِ ھاتر ءَ زندگی ءَ بس پہ انشااللہ ءِ ءُ شُگر ءِ نام ءَ پہ لاپ گْوازین اِیت۔ چی ءَ کہ دروگ ءُ وتگڑیں پلاسپراں مھلوکانی زندگی ءِ تہ ءَ جَھنم ءِ نام ءَ تُرسینگ ءُ جنت ءِ نام ءَ لب ءُ لالچ ءِ لیکہ ءَ ودینتگ۔
سیاستدان زان اَنت کہ گلامیں، لنگیں، کوریں، کرّیں ءُ گنگیں مھلوکانی لیکہ ءَ سرپد بنت چمیشکا آ وتی نپ ءُ پائدگ ءِ ھاتر ءَ آیانی ءَ سر ءَ ھکومتی کنگ ءُ ھدا ءِ مزھب ءِ نام ءَ سیاست ءِ داب ءَ کامرز کن اَنت۔ ھمے مزھب مدام وتگڑیں سیاستداناں پہ وتی مھلوک ءِ لُٹ ءُ پل کنگ ءِ ھاتر ءَ مزھب جتائیں چاگرداں پہ ٹول کارمرد کتگ۔ چمیشکا پاکستان ءِ نام ءَ کہ پہ اسلامی دروشم ءَ اَڑ داتگ کہ گلامیں مھلوک ءَ باور کنائینگ بوتگ کہ ما اسلام ءِ مزھبی لیکہ ءِ منوگر بہ بَہ اِیں ءُ وتگڑیں ملاھانی دروشم ءَ ھلک ءُ دمگاں دیم دیگ بنت کہ آ پاکیں مزھب ءِ منوگر اِنت ءُ ملا ھدائی مردمے ءُ چہ آئی ءَ تُرس بیت کہ ملاھے، بند ءُ تائید کنت چہ ملا ءَ تُرس ودی بیت پرچا کہ مھلوک ءِ تہ ءَ جھنم ءِ آچ روک اِنت اگاں ملا گُشت ما برباد ءُ تباہ بَہ اِیں۔
بلوچستان پاکستان ءَ اسلامی نام ءِ پُشدر ءَ گلام جوڑ کُتگ، پرچا کہ پاکستان ءِ لیکہ (لااِلہ اِللہ) ءِ سَیاھگ ءَ اَڑ داتگ۔
اگاں ما بچاریں پاکستان ءِ جوڑ کنگ ءَ پیسر بلوچستان کَئی کبزہ ءَ بوتگ؟ اے چیز ءَ بلوچ ھم سرپد اَنت کہ انگریزاں بلوچستان ءِ سر ءَ 108 سال وتی کبزہ ءَ کُتگ بوتگ۔ وھدے کہ 11 اگست 1947 ءَ آجوئی ءِ جار ماں آل انڈیا کانفرنس ءَ پِرّینگ بوتگ۔ وھدے سے روچ ءَ پد بزاں 14 اگست 1947 ءَ پاکستان آزاتی ءِ وجود ءَ آؤرت ءُ 15 اگست ءَ 1947 ءَ انڈیا ءِ آجوئی ءِ جار پِرّینگ ھم بوت۔
ھشت ماہ بلوچستان آجو بوتگ، 27 مارچ 1948 کہ بلوچ راج اے روچ ءَ پہ وتی واستا یک سیاھیں روچے پَھم اِیت پرچا کہ اے روچ ءَ پاکستان ءِ وتگڑیں مزھبی اِستان ءَ ناھکّی بلوچستان ءِ سر ءَ کبزہ کُتگ۔ ءُ روچ ءِ مروچی بلوچ راج اے روچ ءَ سیاھیں روچے ھم منّ اِیت کہ ما، بلوچ راج تئی اے بے بُنیں اِستان ءِ زورانسری کبزہ ءَ نہ منّ اِیں۔
زاناں اسلام ءِ ھدا ءِ پاکیں کُرآن ھمے وڑ گُش اِیت کہ تو ئے پاکستان دگر ءِ زمین ءَ کبزہ بکن؟
اے تئی ناھّکی راستی ءَ چیر دات کُت نہ کنت، اسلام ءِ نام ءَ تو ھر روچ بزگیں بلوچ راج ءَ لُٹ ءُ پل کن ئے، وتی وتگڑیں داشتگیں ملاھاں دیم دے ئے بلوچستان ءَ چندہ ءِ نام ءَ بلوچاں رَد دی ئے۔ مولانا فضل الرحمن ءِ وڑیں منافقاں اسلام ءِ مقدسیں نام ءَ بلوچستان ءِ گواجناں لُٹ ءُ پل کن ئے، اے اَمل پہ اسلام ءِ نام ءَ کارمرز کنگ گوں اللہ ءِ گوم ءَ دگّا کنگ، پلینڈی کنگ، اے شیطان پاکستان گُشگ بیت، ”پاک“ متلب صاف، شفاف اِنت تو پاکستان پاکی چہ کجا در ءَ بیت ھاں؟ آمیدگس ءِ متلب ”انصاف“ ءُ انساپ نیست، کجام اوں تئی ادارہ بہ بنت آیانی تہ ءَ سودخوری بوگ ءَ اَنت، ناھکّی کُشت ءُ ھون بوگ ءَ اَنت۔ گڑا اسلام ءِ تہ ءَ چوشیں چیز ھرام اَنت گڑا تئی نام ”حرامستان“ اِنت؟ یا پاکستان اِنت؟
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت-