کولپور، زھری، زامران، کلات ءُ ھب ءَ اُرشانی زمہ واریں – بی ایل اے

بلوچ لبریشن آرمی ءِ جارکش جیئند بلوچ ءَ رسانکدراں شنگ کتگیں درشان ءَ کولپور، زھری، زامران، کلات ءُ ھب ءُ جتا جتائیں کاروائیانی زمہ واری من اتگ انت ءُ گوشتگ اے اُرشاں زورگریں پاکستانی پوج، اسٹنٹ کمشنر ءِ گاڑی، ڈپٹی کمشنر آفس ءُ پولیس ءِ تھانہ نشانگ کتگ ءُ بنجاھی شھدگ بستگ انت پورسز ءِ چوکی دستیگ کتگ انت ءُ سلاپ پچ گپتگ انت ءُ لٹ ءُ پُلی کمپنی ءِ فیکٹری تباہ کتگ انت-

جارکش ءَ گوشتگ بی ایل اے ءِ سرمچاراں گوستگیں شپ ءَ کولپور ءَ بنجاھی شھدگ بستگ، اے راہ بستگ ھشت بج ءَ داں شپ ءِ یازدہ برجاہ بیتگ- ھمے سرمچاراں شھدگ ءِ سر ءَ گاڑی اسنیپ چیکنگ کتگ انت-

ھمے وھد ءَ سرمچارانی دگہ یک ٹولی ءَ شھدگ ءَ ھستیں لیویز چوکی دستیگ کتگ ءُ اود ءَ جاڑیگیں چار کارندہ دزگیر کتگ انت چریشی ءَ پد بلوچ بوگ ءِ پژدر ءَ سرپد کتگ ءُ یل کتگ انت ءُ ھمے وڑ پورسز ءِ سَے کلاشنکوپ دستیگ کتگ انت-

سرمچارانی سیمی ٹولی ءَ اے دمگ ءَ لُٹ ءُ پُلی کمپنی ءِ مشینری مانداشتگ ءُ تبای کتگ انت-

مروچی مگرب ءِ وھد ءَ بلوچ لبریشن آرمی ءِ سرمچاراں زھری چشمہ ءَ اسٹنٹ کمشنر ءِ گاڑی ریموٹ کنٹرول آئی ای ڈی اُرش ءِ نشانگ کتگ-

اسٹنٹ کمشنر ءِ گاڑی ھما وھد ءَ نشانگ کتگ جہ آ ھزدار شھر ءَ کیو آر ایف ءِ ھمراھی ءَ چوکیانی ھالپرسی ءَ سر بیتگ-

بلوچ لبریشن آرمی ءِ سرمچاراں ھشت جنوری ءَ زامران ءِ دمگ کنٹگان ءَ یک آئی ای ڈی اُرشے ءَ زورگریں پاکستانی پوج ءِ پندی کارندہ نشانگ کتگ انت چریشی ءِ آسر ءَ یک کارندھے جاہ پہ جاہ ءَ مرتگ –

جارکش ءَ گوشتگ بلوچ لبریشن آرمی ءِ سرمچاراں یک دگہ کاروائی یے سَے شمبے ءِ شپ ءَ کلات ءِ شھر ءَ ڈپٹی کمشنر ءِ کارگس ءِ سر ءَ دزبمب اُرشے ءِ نشانگ کتگ ءُ چریشی ءِ آسر ءَ کارگس ءِ ماڑی ءَ تاوان بیتگ-

جارکش ءَ گوشتگ بی ایل اے ءِ سرمچاراں گوستگیں شپ ءَ ھب ءِ شھر ءَ پولیس تھانہ ءِ بنجاھی گیٹ ءِ سر ءَ اوشتوکیں کارندہ دزبمب ءِ نشانگ کتگ –

جارکش جیئند بلوچ ءَ گوشتگ اے درسیں اُرشانی زمہ واریاں بلوچ لبریشن آرمی من ایت-