تربت ایڈووکیٹ شیما صابر ءِ برات ءِ زورانسری آوار جنی ءِ ھلاپ ءَ آمیدگسی کاروائی ءِ دزکشی جار-
کیچ بار ایسوسی ایشن ءِ سنیئر باسک شیما صابر ایڈووکیٹ ءِ برات مدثر صابر ءِ زی چارشمبے ءِ تربت گوادر اسٹاپ ءَ چہ گاڑی سواریں سلاہ بندیں مردماں زورانسری آوار جنی ءَ پد بیگواہ کتگ-
ایڈووکیٹ ءِ برات ءِ زورانسری آوار جنی ءِ ھلاپ کیچ بار ایسوسی ایشن، گوادر بار ءُ شال ءَ وکیلاں مروچی پشمبے ءَ آمیدگسی کاروائی ءِ دزکشی ءِ جار جتگ-
جتاجتائیں بار ایسوسی ایشنز ءِ وکیلاں کڈن کتگ کہ آ ھچ وڑیں آمیدگس ءَ دیم ءَ پیش بیگ ءَ پھریز بہ کن اِت-
وکیلاں لوٹ کتگ کہ مدثر صابر ءَ زوت یل بہ کن اِت اگاں ناں زھرشانی ءَ دراجکش کن ایں-