شعبان ءَ آوار جنگ بیتگیں 7 مردم 100 روچ ءِ گوزگ ءَ پد ھم یل نہ بیتگ اَنت

شعبان ءَ آوار جنگ بیتگین ھپتین مردم سد روچ ءِ گوزگ ءَ پد ھم یل نہ بیتگ اَنت – سرکار ءَ داں انگت ءَ ھپتیں مردم کنائینگ ءَ بے سوبی اِنت-

بلوچستان ءِ بنجاھی شھر شال ءِ نزیک ءَ تر ءُ گردی جاہ شعبان ءَ بیست جون ءَ بلوچ سلاہ بندیں گل بلوچ لبریشن آرمی ءِ دزگیر کتگیں کسٹم کارندہ ءَ ھوار دھیں مردم سد روچ ءِ گوزگ ءَ پد ھم سرکار ءُ پورسز یل کنائینگ ءَ بے سوب بیتگ-

دزگیرینانی توک ءَ یکے ءِ پت شان رضا ءَ گوشتگ بلوچستان ءِ سرکار ءُ کانون سازگار شعبان ءَ آوار جنگ بیتگین مئے ھپتین مردماں یل نہ کنگ ءَ ئینگ اِنت-

آئی ءَ گوشتگ آوار جنوکانی زنداناں وتی زھگانی پریشان ءُ شپ ءُ روچ یل دیگ ءِ واستا پکردار اِنت – بنجاھی سرکار ءُ اُستانی سرکار ءَ دزبندی اِنت مئے زھگاں یل بہ کنائین اِت-

زانگ بہ بیت بلوچ لبریشن آرمی ءِ جارکش جیئند بلوچ ءَ رسانکدراں شنگ کتگیں درشان ءَ گوشتگ فتح اسکواڈ ءَ شال ءَ چیریں اھوالے ءِ سر بوگ ءَ کاروائی کتگ ءُ چریشی ءَ دَہ شکی ئیں مردم گپتگ اَنت-

جارکش ءَ گوشتگ اے کاروائی بی ایل اے ءِ گچینی باسک فتح اسکواڈ ءَ چیریں اھوالے ءَ شال ءِ ھند زرگون ءَ ھواریں دمگ شعبان ءَ سوبمندی ءَ کتگ-

بلوچ لبریشن آرمی ءَ گپتگیں مردمانی مٹ ءَ وتی بندیگانی یل کنگ ءِ لوٹ کتگ بلے سرکار ءُ لشکری واکدارانی نیمگ ءَ ھچ گامگیج زیرگ ءَ گندگ نہ بیتگ-