بلوچستان ءِ دو جتاجتائیں دمگاں پاکستانی پوج ءِ سر ءَ اُرش جانی تاوانانی ھال

بلوچستان ءِ دو جتاجتائیں دمگ نوشکی ءُ کلات ءَ پاکستانی پوج ءِ چیک پوسٹ ءَ گاڑی ءِ سر ءَ اُرش ھشت کارمندانی ٹپی بیگ ھال-

بلوچستان ءِ دمگ کلات ءَ ناشناسیں مردماں پاکستانی پوج ءِ یک گاڑی یے بمب اُرش ءِ نشانگ کتگ-

ڈپٹی کلات بلال شبیر ءَ چیرکتگیں بمب تراک ءَ کارمندانی ٹپی بیگ گپ راست کتگ-

آئی ءَ گْوشتگ کہ ناشناسیں مردماں تراکانی شورو دگ ءِ کش ءَ ایر کتگ اَنت، پوج ءِ کارمندانی گاڑی گوزگ وھد ءَ تراک بیتگ چریشی ءِ آسر ءَ ھشت لشکر کارمند ٹپی بیتگ اَنت-

تراک ھال سر بیگ ءَ لیویز ءَ ھوار دگہ لشکر ءِ کارمنداں دمگ انگر ءَ کتگ پٹ پول بندات کتگ وھدے کہ ٹپی ئیں کارمند پہ الاج ھاتر ءَ نادُراھجاہ ءَ برتگ اَنت-

ھمے وڑ نوشکی ءِ کوھی دمگ ھژدہ خول ءَ برجاھیں ایف سی ءِ چیک پوسٹ سر ءَ زیکیں بیگاہ ءَ ناشناسیں سلاہ بندیں مردماں اُرش ءِ نشانگ کتگ-

زانگ بہ بیت اے دمگاں بلوچ آجوئی لوٹوکیں گل چاڑیگ اَنت اشی ءَ ساری ھم پاکستانی پوج ءُ دگہ شوربندیانی سر ءَ اُرش کنگ بیتگ اَنت بلے اے اُرش زمہ واری انگت ھچ گل ءَ نہ زرتگ-