یوئیفا چیمپئین لیگ فٹبال گوازی ءَ دوشی شپ چار ٹیمانی میان ءَ گوازی کنگ بوتگ کہ رئیل میڈریڈ ءَ پی ایس جی ءِ دیم ءَ سَے پہ یک گولے ءَ گوازی کٹ اِتگ وھدیکہ مانچسٹر سٹی ءُ اسپورٹنگ دیمیگ بوتگ انت –
گوستگیں شپ ءَ مانچسٹر سٹی ءُ اسپورٹنگ ءِ میان ءَ بوتگیں گوازی ءَ ھردو ٹیم دیمیگ بوتگ انت – ھردو ٹیمانی لیبیاں جوانیں لیب پیشداشتگ بلے ھردو نیمگاں چہ ھچ گول اسکور کنگ نہ بوتگ – وھدیکہ چمئین لیگ ءِ دوشی شپ بوتگیں دومی گوازی ءَ رئیل میڈریڈ ءَ سَے گولاں گوازی کٹ اِتگ –
رئیل میڈریڈ ءُ پیرس سینٹ جرمن (پی ایس جی) میان ءَ بوتگیں گوازی ءَ اولی سی ءُ نھمی ملٹ ءِ تہ ءَ پی ایس جی ءِ لیبی کیلئین یک گول ءِ اسکور کُتگ کہ پدا رئیل میڈریڈ نیمگ ءَ چہ بینزیما ءَ شست ءُ یکمی ملٹ ءِ تہ ءَ یک گول ءِ اسکور کتگ ءُ ھردو ٹیم دیمیگ بوتگ انت بلے پی ایس جی ءِ لیبیاں دیمتر ءَ بنزیما ءِ دیم داشت نہ کرتگ ءُ بنزیما ءَ پد مہ پد دو ملٹانی میان ءَ دگہ دو گول اسکور کُتگ گوازی وتی ٹیم ءِ نام ءَ کُتگ –