ھمگرنچیں بلوچ سلاہ بندیں گل بلوچ لبریشن آرمی، بلوچستان لبریشن پرنٹ، بلوچ ریپبلکن آرمی ءُ بلوچ ریپبلکن گارڈ ءِ ھمسنتیں کاروان بلوچ راجی آجوئی سنگر (براس) ءِ جارکش بلوچ ھان ءَ ناشناسیں جاھے ءَ یک درشانے شنگ کنان ءَ کیچ ءِ دمگ مند ءَ پاکستانی لشکر ءِ دوازدہ کارندھانی کوشے زمہ واری منّ اِتگ۔
بلوچ ھان ءَ رسانکدراں گوں گپ کنان ءَ گْوشتگ کہ براس ءِ سرمچاراں مند ءِ دمگ چُک آپ ءُ شیراز ءِ میانی کوھی دمگ ءَ پاکستانی لشکر ءِ یک کاروان ءُ شیراز ءِ کوہ ءَ ھستیں لشکری اوتاک انگیر ءَ کرتگ ءُ اُرش کرتگ۔
سرمچارانی اے سوبمند ءُ ترندیں اُرش ءَ چَہ دوازدہ لشکری مرتگ ءُ باز زدگ بیتگ ءُ کاروان ءَ ھواریں لشکری گاڑی ھم تاوانبار بیتگ اَنت۔
جارکش ءَ گْوشتگ کہ جنگ زدگیں دمگاں ھوار سرجمیں کیچ ءَ گوستگیں یک ھپتگے ءَ چہ پاکستانی لشکر ءَ لشکر کشیانی تھءَ ترندی آؤرتگ ءُ بلوچ نسل کُشی ءَ دزبند بیتگ۔
چریشی ءَ چَہ لشکری کاروان کہ ھما لشکر کشیانی واستہ بھر زورگ ءَ روگ ءَ بیتگ اود ءَ نشانگ کرتگ اے لشکر کشی ءِ وھد ءَ لس شھری ایں بلوچ نشانگ کنگ بیگ ءَ بیتگ اَنت مارا ھال ءِ سر بیتگ کہ لس میتگانی سر ءَ بالگرداں تیرگواری ھم کرتگ ءُ کوھی دمگاں آبادیں بلوچ مھلوک ءِ گدان ءُ لوگ ماندارگ بیتگ اَنت بلوچ سرمچار نا ایوک ءَ راجی آجوئی ءِ جنگ ءَ اَنت بلکیں ھمک گام ءَ بلوچ میتگانی پھزداری ءَ جاڑیگ بیگ ءِ جھد کنگ ءَ آں، براس ءِ سرمچاراں اے اُرش پہ بلوچ میتگانی پھازی ءِ مٹ ءَ کرتگ۔
بلوچ ھان ءَ گْوشتگ مارا ھال سر بیتگ کہ اے لشکر کشی ءَ کشندہ ٹولی نام گپتی ڈیتھ اسکواڈ ءُ نیکراھی ناشریں ٹولیانی کارندہ دشمنیں لشکر ءِ گون ءَ ھوار بیتگ اَنت بلوچ راجی آجوئی سنگر آپریشن آسریچ ءِ رد ءُ بنداں ڈیتھ اسکواڈانی تر ءُ گردی باز جاھاں بریتگ اَنت نِی اے ٹولی لشکر ءِ ھمراھی ءَ کار کنگ ءَ اَنت۔
اے گپ ءِ تھ ءَ تچکی ءِ مان کہ کشندہ ٹولی کہ نام گپتی ڈیتھ اسکواڈ ءُ نیکراھی ناشرکار ٹولی ءُ پاکستانی لشکر یکیں گوشتے دو رگ اَنت ھرکجا کہ بلوچ سرمچار دشمن ءِ سر ءَ اُرش کن اَنت ھمود ءَ دومی نیمگ ءَ کشندہ ٹولیانی گردن ھم جنگ بیت ءُ بلوچ آجوئی جھد ءَ چَہ لگور بیگ ءَ پد دشمن ءِ کوپگ جوڑ بوھوکیں لگورانی گردن جنیانی تھ ءَ ترندی آرگ بیت اِنت۔