دی بلوچستان پوسٹ
وائس فار بلوچ مسنگ پرسنز ءِ نیمگ ءَ بیگواھیں مردمانی درگیجگ ءَ بلوچستان ءِ بنجاھی شھر شال ءَ زھرشانی نندانک .دوبر بندات کنگ بیتگ، نندانک ءِ سرکماشی ءَ وی بی ایم پی ءِ رھشون ماما کدیر بلوچ کنگ ءَ اِنت
بیگواھیں بلوچانی درگیجگ گوستگیں یک دیھکے ءَ چَہ برجاہ اِنت گوستگیں روچاں کورونا وائرس ءِ نیمون ءَ بند کنگ بیتگ
وی بی ایم پی ءِ وائس چیئرمین ماما کدیر بلوچ ءِ گوشگ اِنت کہ کورونا وبا ءِ سبب ءَ بلوچستان ءِ سرکار ءِ نیمگ ءَ ڈاھینتگیں بندش ءِ پلامرزی ءَ چَہ چاردہ روچ ءَ بنجل ءَ نہ شتگیں
ماما کدیر ءَ گوشتگ کہ اے وبا ءِ روچاں مئے پنجاہ ھزاریں مردم ناں یل کنگ بیتگ اَنت ءُ ناکہ دیم ءَ آرگ بیتگ اَنت بلکیں بژنی ءِ گپ ایش انت کہ اے روچاں گیش دگہ مردم لشکر ءَ آوار جتگ ءُ بیگواہ کرتگ ءُ اشانی تھا زالبول ھم ھوار اِنت
آئی ءَ دیم تر ءَ تران کنان ٔ َ گوشتگ کہ گوستگیں روچاں واشک ءَ یک آروسی جاھے ءَ بانورے آوار جنگ بیتگ مشکے ءَ نُھ مردم آوار جنگ بیتگ کہ آیانی تھا زالبول ھم ھوار اِنت مارا اُمیت بیتگ کہ وباہ ءِ روچاں مئے مردم یلہ کنگ بنت بلے بلوچستان ءَ بے کساس ءَ مردم آوار جنگ ءُ گار کنگ بیگ ءَ اَنت.

وی بی ایم پی ءِ نیمگ ءَ شنگ بیتگیں ھال ءِ تھا گوشگ بیتگ کہ بیگواھیں گلام پاروک ءِ پیر زالیں مکھیں مات ءَ سَے روچ ءَ تھت ءِ کنڈ ءَ وتی بیگواھیں بچ توار جنان ءَ مروچی بیران بیتگ. گلام پاروک ءِ مات اکتوبر دوھزار ءُ ھژدہ ءَ گل ءِ زھرشانی بنجل ءَ ھما اُمیت ءَ ھوار بیتگ کہ بیت کنت منی توار ءَ کسے گوش بہ داریت ءُ من ءَ مُزئے ءِ بہ رس اِیت.
زانگ بہ بیت گلام پاروک ء ابدرسول دو جون دو ھزار ءُ پانزدہ ءَ چہ بیگواہ اِنت، کھول ءِ رد ءَ آ ھیدر آباد ءَ پاکستانی چیریں ادارھاں آوار جتگ ءُ برتگ.