TBP Balochi

روکپتی بلوچستان ءِ بنجاھی شھر زاھدان ءَ ایرانی لشکر ءَ یک ورنایے دزگیر کنگ ءَ پد بیگواہ کرتگ-

گیشیں ھالانی رد ءَ گوستگیں روچ ءَ آدینگ ءِ نماز ءَ پد لوگ ءَ واتری ءَ ایرانی لشکر ءَ یک ورنایے دزگیر کنگ ءَ پد بیگواہ کرتگ-

بیگواہ کنگ بیتگین ورنا ءِ پجار مھمد امین ریکی ء عبدالصمد جھمنند زاھدان ءِ نام ءَ زانگ بیتگ-

اھوالانی رد ءَ مھمد امین ماں زاھدان ءَ گد ءِ دکانے ءَ درزیگری ءِ کار ءَ بیتگ – آئی ءِ آوار جنگ ءَ پد آئی ءِ درگت ءَ دگہ اھوال دیم ءَ نیتکگ اَنت-

زانگ بہ بیت روکپتی بلوچستان ءَ مردمانی آوار جنگ یکشل ءَ برجاہ اَنت ءُ ھمے داب ءَ گوستگیں روچ ءَ زاھدان ءَ بیگواھی ءُ دگہ زُلم ءُ زوراکیانی ھلاپ ءَ زھرشانی کنگ بیتگ ات-

زھرشانی ءَ بازیں کچے ءَ مردماں بھر زرتگ ءُ بیگواھیانی یل کنگ ءِ لوٹ کتگ-

بساک ءِ بنجاھی لس مجلس ءُ آئی ءِ راجکاری ءِ ارزشت

نبشتہ کار: نبیل نود بلوچ

دی بلوچستان پوسٹ

اے گپ چو روچ ءَ سَھرا اِنت کہ بساک بلوچ نودربرانی ھما وھد ءَ رھشونی ءَ کنگ ءَ اِنت کہ بلوچ ورنا نوکری ءُ اسکالر شپانی نام ءِ سر ءَ مچانکی جُھد ءَ چہ سندگ ءُ زاتی زند ءِ تہ ءَ مان اڑینگ بئیگ ءَ انت، یک چاگردے ءَ کہ نودربرانی بستار ءُ ارزشت وتگڑیں میر ءُ واجھانی ستا ءُ ساڑا بہ بیت،اود ءَ راج ءُ زمین ءِ ارزشت تھنا کِسھَانی تہ ءَ پش کپ ایت۔بساک ءِ جُھد کہ بلوچ ورنایاں راج دوستی پَتّر ءِ سر ءَ یکجاہ کنگ ءُ آیاں اے باور کنائینگ ءَ اِنت کہ تئی مرچیگ تئی باندات اِنت، اگاں تو مرچی چہ زاتی پگر ءُ زند ءَ چہ در نہ کپت ئے سما ءُ سسّا نہ کُت تو باندا یک املے ءِ بھر جوڑ بوت نہ کن ئے ،ناں کہ ھستیں وھد ءِ اڑ ءُ جنجالاں چہ وتی راج ءِ دَر کنگ ءَ سوبین بیت کُت کن ئے۔

بساک ءِ سیمی بنجاھی لس مجلس گوں وتی وھد ءَ بوھگ اے گپ ءَ گیشین ایت کہ آ کجام کَساس ءَ داں وتی رھبندانی سر ءَ اوشتوک اِنت۔اے سیمی بنجاھی لس مجلس بلوچ راجکاری ءِ ھما دروازگانی پَچ کنگ ءِ توجیلے کہ لَب ءُ بیھارانی کُداماں گپتگ اَنت ءُ بند اَنت زوراکانی وتساچیں سمیسراں چہ ھما دیم بساک گوں راج دوستی لیکہ ءَ گوں اوشتوک اِنت ۔ اے گپ ءَ چہ کس بےزانگ نہ اِنت بساک ءَ کل بلوچ راج یک پَتّرے ءِ سر ءَ آورتگ ءُ یکجاہ کُتگ کہ مئے ھزار سالی دودمان ،زبان ءُ زمین ءَ وتگڑین کَشتگیں لکیر بھر ءُ بانگ کُرت نہ کناں۔ بلوچ ءِ درد بلوچ ءِ ارس ، آئی ءِ کَشتگیں لیکرانی دیم ءَ اوشتوک نہ بیت ۔

پہ بلوچ نودربرانی ھیلکاری ءَ بساک ءِ نیمگ ءَ چہ سے ماھی تاکبند نوشت ءِ یکشل ءَ چاپ ءُ شنگ کنگ جتا جتائیں سرھالانی سر ءَ بلوچی ءُ براھوئی زبان ءَ راجکاری لبزانک ءُ زبانانی ارزشت ءَ یک جُھدے کہ چرائی ءَ ورنا وتی چاگرد ءِ دیمروئی ءُ وتی دودمان ، وتی زبان ، ءُ زمین ءِ ارزشت ءَ شریں وڑے ءَ پَھم اَنت ءُ سرپد بنت ۔ آیانی دیمروئی ءُ رکینگ ءَ یک مچانکی املے جُنزینت کُت کن اَنت ۔نوشت ءِ ھمرائی ءَ گَل ءِ زھگانی تاک گام پہ زھگاں وتی زبان ءَ گوں مھر ءُ وانگ ءِ یک بنداتے کہ چرائی ءَ زھگ وتی ماتی زبان ءِ ارزشت ءُ بستار ءَ زاننت ءُ سرپد بنت۔مروچی گام ءِ تاک شھر شھر ، کوچگ کوچگ، لوگ لوگ ءَ رَوگ ءُ سر بوھگ ءَ اِنت اے پہ زبان ءُ زھگانی پکری ردوم ءَ یک جْوانیں مستاگے زانگ بیت اِنت۔

ھرچُنیں چاگردے ءَ مٹ ءُ بدلیانی آرگ ءَ نودربر گَلانی یک مزنیں بستار ءُ ارزشتے ھست اِنت۔ اگاں اود ءَ نودربر گَل راجی سما ءَ بے سما ءُ بے زانگ بہ باں گڈا آ چاگرد چو اوشاتگیں آپ ءِ پیم ءَ چیر ءَ شُنزُک بند ایت، راج دوستی لیکہ ءَ گوں بندوکیں گَل چاگردانی بے تواری ءَ پُروش اَنت آیاں دیما جنزگ ءِ توکل ءُ ھاٹیگ بَکشایاں۔ نودربر پہ چاگردے ءَ یک کسانیں درچکے ءِ پیم ءَ اَنت ھمینچو گیش آیاں سمبالے ءُ پھریزے دو ھمینچو آ وتی روتگاں زمین ءَ ایر دیاں ءُ بزیں ساھگ ءُ بَرانی دْرین ءَ زمین ءِ سارتُکیں دلبند ءَ تالان کن اَنت۔

بساک ءِ لٹریسی کمپئین پہ مئے چاگرد ءَ یک نوکیں رَبیت ءِ بنگیج کنگ بیتگ ، کہ اشی ءِ مول ءُ مراد ھمود ءَ کہ وانگجاہ نیست یا کہ وانگجاہ ھست ءُ آسراتی نیست گڑا واکداراں کڈن کنگ بیت اَنت کہ راج ءَ پہ وانگجاہ ءُ آسراتی دیگ ءَ وتی کرد ءَ پیلو بہ کن اَنت۔ اود ءَ کہ پہ وانگ ءَ بنکی آسراتی مہ بیت آ چاگرد ءِ گور ءَ جیڑگانی دَر کدی پچ نہ بنت۔ آ وھد ءُ جاورانی دنز ءُ مُجاں وتی زند ءَ پہ بے تواری گوازین اَنت کدی پہ وتی سرا بیتگیں جبر ءُ زورانی بابت ءَ نہ جیڑ اَنت ھچ پیمیں مٹ ءُ بدلی ءِ لوٹگ ءَ پہ وازمَنْدگ نہ بنت اِنت ۔

بساک ءِ رھبند ءِ تہ ءَ نودربرانی گور ءَ پٹ ءُ پولی سنچ ءُ بود ءَ ودینگ ءِ سرا انچش کہ زور دیگ بیتگ اَت ھمے پیما لٹریسی کمپئین مستریں نپ ءُ سیت اِش انت کہ نودربر پٹ ءُ پول کننت، پٹ ءُ پول ءَ چہ اے بیت کہ آ آیانی تہ ءَ چیزانی بابت ءَ پگر ءُ شوھاز کنگ ءِ سنچ ءُ بود وَد ایت ، انوگیں گلوبلائیزیشن دور ءَ سائنسی لوٹانی رِد ءَ پٹ ءُ پولی چیزانی سر ءَ بیسہ کنگ بیت ءُ آیاں ارزشت ءُ بستارے دیگ بیت اِنت ، پٹ ءُ پول کنگ ، گَل ءُ ایندگے کاراں مُھکم کنت ، ایردستیں راجانی گور ءَ پٹ ءُ پول ءِ ارزشت چی اِنت؟ اے کمپئین تہ ءَ ھرچ باسک ءَ را پابند کنگ بیتگ وتی دمگانی وانجگاھانی بابت ءَ پٹ ءُ پول بکن اَنت دانکے آیانی گور ءَ پٚٹ ءُ پول کنگ ئِے یک نوکیں درے پچ بہ بیت۔

انچش کہ ارنسٹ رینن راج ءِ بزانت ءِ گیشنگ ءِ بابت ءَ گْوش ایت” گْوَست ءَ یک مزنیں مڈی ءُ میراسے ھست ، اے میراس ءَ راجی بامردانی پَھر ءُ شان بندوک اَنت ھمے بامردانی یات ءُ شان ءِ سر ءَ لس مردم پَھر بند ایت۔راجی ھیال گوں گْوَست ءَ بندوک اَنت گْوَست ءِ تہ ءَ لس مردم چیزانی مُچ کنگ ءَ سوبین بیتگ اَنت کہ اشانی سوبمَنْدی ءِ بُن راجی بامرد زانگ بنت ، اگاں یک وھدے کربانی ءِ لوٹءَ بکنت گڑا لس مردم ءِ تہ ءَ کربانی دیگ ءِ جوزگ پھر ءُ شان بیت”
بزاں کہ راج ءِ بزانت ءِ گیشینگ ءَ یک پیلوے راجی بامردانی زانگ بیت ھمے پیم ءَ بساک ءَ وتی سیمی بنجاھی لس مجلس بلوچ راجی بامرد استاد سبا دَشْتیاری ءِ بْیاد ءَ کُتگ۔ یک چاگردے ءَ استادانی درورچو ھما کندیل ءِ پیما اِنت کہ آئی ءِ روشنائی ءَ گیابانانی تھاردیمیں کرگین روشنا بنت۔ واجہ سبا بلوچ لبزانک ءُ راجکاری ءَ پجارتگ ءُ منیتگ ایں نامے۔ کہ آئی ءِ یکشلیں جَد ءُ جھد پہ بلوچی لبزانک زمین ءُ راج ءَ مدام گیر آرگ بنت۔ھمے پیمیں استادانی ھونریچینانی مُز اِنت کہ بلوچ راجدپتر ءِ تاک دیم پھر ءُشانانی ستاھاں گوں نَکش ءُ گیرانک کنگ اَنت ۔ استاد سبا ءِ یاد ءَ بیوکیں بنجائی لس مجلس اے گواھی ءُ شبین ءَ دنت کہ بلوچ نودربر وتی استادانی کَشتگیں کشکانی سر ءَ گوں جوزگاں جنزان اَنت ۔ بساک گَل ءَ یک کسانیں وھدے ءَ بلوچ نودربرانی گور ءَ یک مھکمیں بستار ءُ ارزشتے پہ وت ءَ گیپتگ۔ آئی ءِ کارانی وڑ ءُ پیم بہ باں کہ آئی ھیلکاری گیردانک یہ کہ دیوان درست پہ شریں وڑے ءَ بلوچ چاگرد ءَ مَنّگ ءُ ساڑایگ بنت۔ لس مھلوک ءِ دلانی تہ ءَ آئی ءَ پہ وت جتائیں جاہ ءُ ھندے گپتگ کہ لس مھلوک چرائی ءَ چہ باز اُمیت دار ایت ءُ سیمی بنجاھی لس مجلس ءَ بلوچ راجکاری ءُ بلوچ چاگرد ءَ جْوانیں مٹ ءُ بدلیانی واھگ درشان کنگ بوھگ ءَ اِنت ۔ اُمیت اِنت کہ آھوکیں لس مجلس چو یک بامسارے ءَ گوں نوکیں اوست ءُ امیتاں گوں ٹِک دنت ءُ بلوچ نودربرانی ءُ چاگرد ءِ وابانی پَریچگ ءَ یک وشیں سھبے ءِ مانزمان بیت۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

ایران ءَ انسانی ھکانی واستا کار کنوکیں گل ایمسنٹی انٹرنیشنل ایران ءَ وتی شنگ کتگیں درشان ءِ تہ ءَ گوشتگ کہ سَے کساس گیش بوتگ اَنت کہ ایشانی توک ءَ بیست درسد بلوچ ھوار اَنت –

ایمنسٹی انٹرنیشنل ایران ءَ وتی درشان ءَ گوشتگ کہ گوستگیں پنچ ماھانی توک ءَ ایران ءَ نشہ باپاری ءِ بھتام ءَ کساس 173 مردم پاھو دیگ بیتگ اَنت ءُ ءُ دگہ بندیگانی ھم پاھو دیگ ءِ ترس ھم ھست اَنت-

انسانی ھکانی گل ءَ وتی درشان ءَ گوشتگ کہ سال دوھزار ءُ بیست ءُ سَے ءَ ایران ءَ پاھو دیگ بیتگیں مردمانی تہ ءَ دو نیم بھر نشہ باپاری ءَ بندوکی ءَ اِنت ءُ ایشانی توک ءَ باز نیزوریں مردم ھم سانمند بیتگ اَنت –

آئی ءَ گوشتگ کہ پاھو دیگ بیتگین مردمانی توک ءَ بیست درسد سیستان و بلوچستان ءَ سیادی داروکیں بلوچانی ئیگ اَنت کہ آ ھم ایران ءِ آبادی ءِ درگت ءَ پنچ درسد دار ات اِنت-

آئی ءَ گوشتگ کہ ایران اے داب ءَ مردماں پاھو دیگ اِنت اے انسانی ھکانی لگتمالی اَنت اے انسانی ھکانی لپاشگ ءُ آیاں پادانی چیر ءَ دبگ اِنت ءُ اے انسانیت ءِ کوش ءِ بروبری اِنت-

انسانی ھکانی ایران ءِ کسان کمک کم ڈیانا الطحاوی ءَ جھانی انسانی گلاں لوٹ کتگ ءُ گوشتگ نشہ باپاری سر ءَ پاھو دیگ بیتگیں مردمانی بارو ءَ گیش ءَ چہ گیش سرپدی بہ گر اَنت-

آئی ءَ گوشتگ کہ جھانی انسانی گل ءَ لوٹ ایت کہ ایران ءَ یک نیمگی پاھو دیگانی سر ءَ ایر جنی بہ کن اَنت ءُ سرکاری تکاں پاھو دیگ ءَ بہ دار اَنت ءُ پاھو دیگ بیتگیں مردم ءُ مردمانی درگت ءَ وتی وتی نمائندگاں دیم بہ دنت ءُ دراھیں چیزاں ٹپاس بہ کن اَنت –

زانگ بہ بیت روکپتی بلوچستان ءَ اے چیزانی ماھانی توک ءَ دو زالبولاں چل ءُ چار بلوچ بندیگ پاھو دیگ بیتگ اَنت –

ھندوستان ءِ اُستان اوڈیشہ ءَ دو ٹرینانی میان ءَ ترسناکیں وئیلے ءِ آسر ءَ کساس بیران بیتگیں مردمانی کچ 233 ءَ گیش بیتگ اَنت ءُ ھمے وڑ نُھ سد زدگ بیتگ اَنت-

این ڈی ٹی وی ءِ رد ءَ وئیل آدینگ ءِ بیگاہ ءَ بھونیشور ءَ چہ کساس دو سد کلو میٹر دور بالاسور ءِ ھند ءَ پیش اتکگ کہ مساپر بریں ٹرین ءِ بازیں بوگی پٹری ءَ سستگ ءُ جتا بیتگ اَنت-

ھمے وھد ءَ پشت ءَ آیوکیں یک دگہ ٹرینے ءَ کپتگیں ٹرین ٹکر جتگ –

اوڈیشہ ءِ چیف سیکرٹری پی کے جینا ءَ گوشتگ کہ یک سینی مال گاڑی ءِ وئیل ءِ آماچ بیتگ ءُ اے وئیل ھندوستان ءَ لھتے سالانی توک ءَ درستاں ترسناکتریں وئیل اِنت –

اے وئیل ءِ آماچیانی توک ءَ بنیگالورو ھوراہ سپارفاسٹ ایکسپریس، شالیمار چنائی سینٹرل کورومینڈل ایکسپریس ءِ دگہ یک یکے مالی گاڑی ھوار اَنت-

اوڈیشا ءِ چیف سیکریٹری پی کے جینا ءَ گوشتگ وئیل لولکتہ ءِ زرباری ءَ دو سد ءُ پنجاہ کلو میٹر دور بالاسور ءِ ھند ءَ شپ ءِ ساھت ھپت ءَ پیش اتکگ بیتگ-

وئیل ءَ پد سکیوڑی پٹ ءُ پول بندات کتگ داں انگت ءَ برجاہ اِنت ءُ بیران ءُ زدگ بیتگیں مردم نزیکیں ھسپتالان برگ بوگ ءَ اَنت ءُ درستیں ھسپتال جاڑیگ کنگ بیتگ اَنت-

اوڈیشا ءِ چیف سیکریٹری ءَ این ٹی ٹی وی ءَ گوشتگ کہ ریسکیور آپریشن ءَ اوڈیشا ڈیزاسٹر ریپڈ ایکشن فورس، پانزدہ آس کُش ٹیم، سِی ڈاکٹررز، دو سد پولیس کارندہ ءُ شست ایمبولینسش بھر زورگ ءَ اَنت-

سر وزیر نوین پاتینک ءَ وئیل ءِ درشان کنان ءَ یک روچے ءَ پرس دارگ ءِ جار جتگ –

وزیر ریلوت ایشونی ویشنا کمو پیسر یک ٹویٹے ءَ گوشتگ کہ ریسکیو آپریشن ءِ واستا برزی لشکر توار جنگ بیتگ –

کیچ ءِ بُنجاھی شھر تربت ءَ ڈینگی وائرس ءِ سبب ءَ بازیں مردمے اسرمند بیتگ ءُ بیرانیانی کچ ھم گیش بوان اِنت-

گیشیں ھالانی رِد ءَ کیچ ءِ بُنجاھی شھر تربت ءِ ھند شاھی تمپ ءِ جھمنندیں کسان سالی ئیں ظاھر ء زاھد علی کراچی ءِ نادُراھجاہ ءَ الاج وھد ءَ مروچی بیران بیتگ-

کھول گوشگ رِد ءَ ڈینگی وائرس ءِ بوگ ءِ سبب ءَ تربت نادُراھجاہ ءَ برتگ اود ءَ الاج ءِ آسراتی نہ بوگ ءِ سبب ءَ کراچی ءِ یک نادُراھجاھے ءَ برتگ بلے اود ءَ الاج وھد ءَ آ بیران بیتگ-

زانگ بہ بیت کہ تربت تنی وھدے ڈینگی وائرس ءِ سبب ءَ سے بیرانی رپورٹ نکش بیتگ اَنت کہ آیانی تہ ءَ چہ گوکدان تاج محمد ء لعل محمد، کوشقلات ءِ جھمنند بیوروکریٹ گوستگیں ایکسئین اختر علی ءُ ورناہ زاھر ء زاھد ھوار اَنت-

ناسرجمیں ھالانی رِد ءَ ڈینگی وائرس ءَ چہ کیچ ءَ بیرانیانی کچ اشی ءَ چہ ھم گیشتر اَنت بلے لھتے کیس نکش کنگ نہ بنت-

ٹیچنگ نادُراھجاہ تربت ءِ ایم ایس ءِ رِد ءَ نادُراھجاہ ءَ ھمکروچ نکش کنگ بیتگیں کیس چل پنچ درسد ڈینگی وائرس ءِ نادُراھانیگ اَنت – ٹیچنگ نادُراھجاہ تربت ءَ کم ءُ گیش ھمکروچ دو ھزار نادُراھانی او پی ڈی بیت-

روکپتی بلوچستان ءَ بیگواھی، کُشت ءُ کوش، پاھو ءُ دگہ زوراکیانی ھلاپ ءَ مھلوک ءِ یکشلیں ڈول ءَ زھرشانی کتگ –

گیشیں اھوالانی رد ءَ روکپتی بلوچستان ءِ بنجاھی شھر زاھدان ءَ اے سِی ءُ پنچمی آدینگ اِنت کہ یکشل ءَ مھلوک ءِ نیمگ ءَ زھرشانی بوگ ءَ اَنت کہ اے زھرشانی سِی ستمبر ءَ پد گیش بوتگ انت-

اھولانی رد ءَ زھرشانی مکی مسیت ءَ بندات بیتگ انت اود ءَ مردماں سرکار ءِ ھلاپ ءَ اوگام ءُ پلے کارڈ ءُ تاک چست کتگ بیتگ اَنت کہ آیانی کُشتگیں مردمانی انساپ ءُ گرگ بیتگین مردمانی یل کنگ ءِ درگت ءَ لبز نبشتگ بیتگ اَنت-

ھمے ڈول ءَ آدینگ ءِ نماز ءِ خطبہ ءَ مکی مسیت ءُ سنی عالم دینانی سروک مولانا عبدالحمید اسماعیل زئی ءَ تران کنان ءَ گوشتگ کہ ملایاں سرکاری پوڑی زلوری نہ اَنت دینی وانگ جاہ سرکاری پوڑیاں گزران نہ کن اَنت –

آئی ءَ گوشتگ ملا سرکار ءِ بھر مند جوڑ مہ بنت وتی مستر وت بہ بنت ءُ وتواجھی بہ کن اَنت-

زانگ بہ بیت روکپتی بلوچستان ءَ مولانا عبدالحمید بلوچ ءُ دگہ عالم دین ایرانی سرکار ءِ سر ءَ ترندیں ایراد دار اَنت –

مولانا عبدالحمید ءِ ترندیں ایرادانی سر ءَ آئی ءَ نزیکیں ملا چہ گوستگیں ماہ ءَ ڈیھ ءَ کشگ بیتگ اَنت کہ آیانی توک ءَ مولانا عبدالعزیز ءُ مولانا عبدالمجید ءُ دگہ دگہ ملا ھوار اَنت-

مھسا امینی ءِ پولیس ءِ دزگیری جاہ ءَ بیرانی پژدر ءَ اولی رند ءَ رپورٹ کنوکیں ایرانی اھوال نیلو فر ءَ بھتام رد کتگ اَنت –

گوستگیں سال ءِ ستمبر ءِ ماہ ءَ دزگیر بیتگیں نیلوفر آمیدگس ءَ پیش کنگ بیتگ ات کہ آئی ءِ راجی سلامتی ءِ تاوان دیگ ءِ بھتام جنگ بیتگ – بلے نیلوفر ءَ گوشتگ کہ آئی ءَ اھوالکاری ءِ رھبندانی سر ءَ وتی پرز پیلو کرتگ انت-

نیلوفر ءِ لوگ واجہ مھمد ھسین آجورلو ءَ وتی یک یک ٹویٹے ءَ گوشتگ نیلوفر راجی سلامتی ءِ پرشت ءُ پروش ءَ ھچ وڑیں پرکاریاں گون نہ بیتگ –

آئی ءَ گوشتگ کہ آئی ءَ آمیدگس ءِ دیم ءَ اے گپ وت گوشتگ کہ من بے کسوراں اے بھتامانی دیمپانی کتگ ئے-

نیلوفر ءِ نیمگ ءَ مھسا امینی پولیس ءِ دزگیری ءَ بیرانی ھال ءِ شنگ کنگ ءَ سرجمیں ڈیھ ءَ زھرشانی بندات بیتگ ات اَنت ءُ ایشی ءِ ھواری ءَ جھان ءِ رسانکدرانی سرتاکی ءَ ھم پولیس ءِ دست ءَ کوش ءِ ھال سرتاک جوڑ بیتگ ات –

ایران ءَ مھسا امینی زالبولانی ھک ءُ ریاستی زوراکیانی یک چیدگے جوڑ بیتگ ات – نی بازیں زالبولاں زھرشانیانی دروشم ءَ وتی سر ڈن ءَ کتگ ءُ زھرشانی کنگ ءَ اَنت بلے ایرانی سرکار ایشی ءَ یک آشوبی دروشمے چارگ ءُ پہ آئی ءَ نااوپاری جاورے –

نیلوفر ءَ وھدیکہ مھسا امینی ءِ ھاک رسانکدراں سر کتگ ات گڑا آئی ءَ ھم نزانتگ ات اے مھلوک ءِ دیم ءَ راجی سرپدی یے جوڑ بیت اِنت ءُ اے کساس دراج کش بیت اِنت-

نیلوفر ایران ءِ نامی ئیں روتاک شرق ءَ گوں سیادی کنت، آئی ءَ نزانتگ ات کہ آئی ءَ ریاست ءِ ھلاپ ءَ پندلانی دیمپانی ءَ دزگیر کن اَنت ءُ ایشی ءِ ھواری ءَ الھہ مھمدی نامی ئیں اھوالکارے ءم دزگیر کنگ بیتگ ات کہ ھردوکانی سر ءَ ڈیھ ءِ ھلاپ ءَ پندل کنگ ءِ بھتام جنگ بیتگ ات اَنت-

پیرس ءَ جاڑیگیں پریس فریڈم گروپ’ رپورٹرز ودآؤٹ بارڈرز ‘ ءَ اے ھردوکیں ایرانی زالبولیں اھوالکاعانی ھلاپ ءَ بھتام شرمی گوشتگ انت ءُ لوٹ کتگ کہ آیانی سر ءَ تچک ءَ آمیدگسی پٹ ءُ پول ءِ ٹپاسی ستکی کنگ بہ بیت اِنت-

بلوچستان ءِ بنجاھی شھر شال ءُ کراچی ءَ نمیرانیں صباء دشتیاری ءِ نمیرانی ءِ دوازدھمی سالروچ ءِ درگت ءَ مراگش برجم دارگ بوتگ ءُ چاگردی ترامجاہ ٹویٹر ءَ اسپیس کنگ بوتگ –

نمیرانیں صباء دشتیاری ءِ یات ءَ ماں شال ءَ نیشنل ڈیموکریٹک پاٹی شال ءِ ھنکین ءِ نیمگ ءَ یک لیکچر پروگرام ءِکہ شال ھنکین ءِ آرگنائزر نزر مری ءِ سروکی ءَ برجم دارگ بوتگ، مراگش ءِ گچینی مھمان آرگنائزنگ کمیٹی ءِ باسک سلمان بلوچ، اشفاق بلوچ ءُ غنی بلوچ بوتگ انت ءُ پروفیسر ڈاکٹر منزور بلوچ ءَ نمیرانیں صباء دشتیاری زند ءِ درگت ءَ باسک لیکچر داتگ انت – وھدیکہ ماں کراچی ءَ سید ھاشمی ریفرنس کتابجاہ ءِ ماڑی دھکان باگ ملیر ءَ ھم صباء ءِ یات ءَ مراگش ءِ برجم دارگ بوتگ ءُ اودا مزنیں کچے ءَ مردماں بھر زرتگ –

شال ءِ مراگش ءَ پروفیسر منظور بلوچ ءَ تران کنان ءَ گوشتگ کہ مارا پھر انت کہ ورنا وتی راج ءِ یک رھشونے ءَ دروت ندر کنگ ءَ انت – بلے ادا یک جست ءِ ودی بیت کہ مئے ھمینچو کہ رھشون بوتگ انت آھانی دروت ندر کنگ ءِ درساں جوانتریں کار کجام انت، مارا بس ھما یات کنگی انت ، آیانی روچ دارگی انت، ھما مولانی ھاتر ءَ آھاں وتی زند گوازینتگ ھما مولانی ھاتر ءَ آھاں وتی جانانی دیمھونی داتگ انت ھما جوانتر انت؟ یا بس آیانی درگت ءَ مارا ھما سرپدی رستگ انت آیاں دومیانی گوم ءَ شئیر بہ کنیں یا اش سرجمی ءَ فکر ءِ دروشم ءَ یکجاہ کنگ ءُ درسیں مردمانی دیما آرگی انت –

آئی ءَ گوشتگ کہ اگاں صبا دشیتاری ءِ گپ کنگ بہ بیت آ یک نترس ءُ دلیریں مردمے بوتگ – بازیں مردماں آئی ءَ گوشتگ کہ تو جنگ بہ ئے؟ گڈا صبا ءَ گوشتگ کہ منی مرگ ءَ چہ بلوچ راج ھلاس نہ بیت – ادا مردماں اے ھم گوشتگ کہ اگاں صبا زندگ بہ بوتیں آئی ءَ گیشتر کار کتگ ات – بلے ٹوھیں مردمانی وتی جتائیں مزاج ءُ رھبند بنت – آ دلیر وا بنت ءُ نترسی ءَ پیسلہ زور انت – اے ناکہ جزباتی پیسلہ کن انت – ھنچوش کہ نواب نوروز خان ءُ نواب اکبر خان بگٹی کہ وتی گڈی وھد ءَ اِتاں بلے ناکہ آ جزباتی تاں پرچاکہ اے اُمر ءَ آ جزباتی نہ بنت شعوری پیسلہ زور انت –

صبا ءَ ترس وتی پادانی چیر ءَ کتگ ات ھما نہ ترسی کہ مردماں دانا بہ کنت ھمائی لوٹ انت – اتھارٹی ءِ کار مردمانی تھا ترس پیداک کنگ – ءُ صباء ءِ پیگامے کہ ترس بے سوب کنگ بہ بیت نہ ترسی کہ دانائی ءِ گوم ءَ بہ بیت – ترس تخلیقی تاکت ءَ پچ گپت – انسان کہ وتی رھبنداں سرا بوت نہ کنت گڈا آئی ءِ وشی پہ درست پہ زوال انت –

منظور بلوچ ءَ گوشتگ کہ ھیرانی ءِ گپ اش انت کہ وھدیکہ ھمے چاگرد بابا مری ءَ پیداک کت کنت، نمیرانیں نواب بگٹی ءَ پیدا کت کنت، سردار عطاء اللہ مینگل ءَ پیداک کت کنت، نمیرانیں صبا دشتیاری، نمیرانیں غلام محمد ءَ ودی کت کنت دگہ باز ھست کہ من آیانی نام ءَ گران بہ کناں بوت کنت دم بہ براں – گڈا جست ایش انت گڈا اے چاگرد لیٹریچر ءِ تہ ءَ پرچا سنٹ انت، اودا پرچا اے چاگرد مزنیں مردم ودی کت نہ کنت، گڈا اشی ءِ متلب ھمیش انت کہ ادا ھما کہ مزاحمت ءِ بنجاہ انت آئی ءِ روایت گیشتر مھکم انت چہ لٹریچر ءَ گیش – مزاحمت مروچی ھم ھست انت، اگاں چارگ بہ بیت گڈا درساں پیش لٹریچر کئیت، درساں پیش زانت کار کئیت، بلے ادا شمے جھدکار پیش ءَ کائنت، مھلوک ھم دیما انت المیہ اش انت کہ سوکالڈ دانش ور درساں پشت انت –

آئی ءَ گوشتگ کہ درساں مستریں جست اے چست بیت کہ صباء کجام چیز ءَ صبا جوڈ کتگ، اگاں صباء ءَ اے دیمھونی مہ داتیں گڈا صباء بوتگ ات؟ آیا آئی ءِ لبزانک سرجمیں بلوچستان یا دنیائے ھر کنڈ ءَ آئی ءِ نام ھست انت درست اسرمند کتگ اِتاں؟ اگاں صبا ءِ زند ءِ تہ ءَ اے گھگیری ءُ سیاسی پیریڈ در بہ کنیں گڈا صباء ءِ تہ ءَ دگہ چی پشت کپیت – مارا اے چارگی انت ءُ پھمگی انت صباء ءِ تہ ءَ کجام چیز بوتگ انت کہ آ نہ ترسیں مردمے جوڈ کتگ، کہ آئی ءَ پہ مراعات نیمگ ءَ یک چمے چست نہ کتگ ءُ نہ چار اِتگ ، صبا ھما مردم بوتگ کہ ھمے شھدربرجاھے تہ ءَ واکدارانی تہ ءَ ھچ کس ءَ گوں سیادی ءِ نہ بوتگ اگاں آئی ءِ سیادی بوتگ گڈا گوں لٹریچر ءِ سوب ءَ، آئی ءِ گیشتریں سنگت، نودربر، چوکیدار، مالی ھرکسے ءِ گوما نزیک بوتگ یا بوت کنت آئی ءَ گوں ھم ھیالیں مردماں سنگتی بوتگ – صباء ءِ زند ءَ چہ شما سک باز چیز در بُرت کن یے – مارا لوٹیت کہ ما چہ آئی ءَ در بہ بریں، آئی ءَ بہ زانین، پجاہ بیاریں، آئی زند ءَ نبشتہ بہ کنیں تانکہ آؤکیں پدریچ ھم صبا ءِ زانگ ءُ زانت ءَ نزیکی بہ کنت پرچاکہ وھدیکہ شما زانت ءَ گوں نزیکی نہ کنیے گڈا بے ترسیں مردمانی سرا اتھارٹی ءَ برجاہ دارگ ارزان نہ انت – صبا ءِ زندے شوکتریں بھر کہ مناں گندگ ءَ کئیت آ اش انت کہ آئی ءَ ترس بے سوب کتگ ءُ ءُ یک دانائی ءِ دروشم ءَ وتی جان ءِ دیمھونی داتگ –

دومی نیمگ ءَ ماں کراچی ءَ ھم نمیرانیں صبا دشتیاری ءِ دوازدھمی سال روچ ءِ درگت ءَ دیوان ءِ کہ سید ھاشمی ریفرنس کتابجاہ ءِ ماڑی دھکان باگ ملیر ءَ برجم دارگ بوتگ – اے دیوان ءَ مزنیں کچّے ءَ مردماں بھر زُرتگ-

کراچی دیوان ءِ سَے بھر بوتگ انت – اولی بھر استاد صبا دشتیاری ءِ پٹ پولکاری کارانی سرا گشتانک، دومی صبا داد ءُ سَیمی لچّھی بھر بوتگ انت –

اولی بھر ءِ جارچین واجہ بشیر واحد بلوچ ات، اے بہمھر ءِ تہ ءَ زانتکار ءُ کواس استاد اصغر علی آزگ، اسحاق خاموش، بانک زاھدہ رئیسی ءَ گوشتانک داتگ انت، ءُ دیوان ءَ پروفیسر اے آر داد ءِ گوشتانک توار بند ءِ دروشم ءَ گوشدارینگ بوتگ ءُ واجہ رحیم مہر ءِ گوشتانک واجہ غلام رسول کلمتی ءَ دیوان ءِ دیم ءَ ونتگ – گوشتانک ءِ گڈ سرا کتابجاہ ءِ کماش واجہ اکبر ولی ءَ مھمانانی منت گپت ءُ نمیرانیں صبا دشتیاری ءِ پٹ پولی کارانی دیم برگ ءِ ھاتر ءَ جھد ءِ لوٹ کُرتگ –

دیوان دومی بھر صبا داد ات، اے درگت ءَ سال 2023 ءِ صبا داد بلوچ زالبولانی بلوچی زبان ءِ ھزمت ءَ نامینگ بوتگ ات ، اے داد بانک زاہدہ رئیسی راجی ءِ بلوچی زبان ءِ ھزمتانی سرا بانک ءَ دیگ بوتگ –

دیوان ءِ سیمی ءُ گڈی بھر لچّھی بھر بوتگ ، لچّھی بھرے جارچین اقبال ھاشمی بوتگ، لچّہمھی بھرے پاگواجہ اصغر علی آزگ بوتگ –
لچھی بھرے گچینی مھمان ظفر کریم، اسحاق خاموش، ڈاکٹر خالق، عاصم زھیر ءُ لقمان حکیم بوتگ انت – ابید چہ گچینی مھماناں ایندگہ نودربر ءُ لچّہ کاراں وتی لچّہ دیوان ءَ درشان اِتگ انت –

ھمے وڈ نمیرانیں صباء دشتیاری ءِ نمیرانی ءِ دوازدھمی سالروچ ءِ درگت ءَ ماں جھان ءِ کنڈ کنڈ ءَ نشتگیں بلوچ سوشل میڈیا ایکٹوسٹاں ماں چاگردی ترامجاھ ءَ صبا دروت ندر کتگ ءُ ماں ٹویٹر اسپیس ءَ دیوان ءِ برجم دارگ بوتگ کہ اودا مردماں صبا ءِ زند ءِ سر ءَ وتی ھیال درشان اِتگ انت –

بلوچستان ءَ مئی ءِ ماہ ءَ بازیں اھوالے سرتاکاں بوتگ انت کہ آھانی تہ ءَ پاکستانی پوج ءِ سر ءَ اُرش، لشکر کشی، زورانسری آوار جنگ بوتگیں بلوچ زالبولے یل بوگ، زالبولیں پدائی شاری بلوچ ءِ نماز جنازہ ءَ ھوار استانی وتکشی ءُ چہ ایران ءَ بلوچ ملایاں ڈیھ ءَ در کنگ ھوار انت –

گوستگیں ماہ ءِ گچینی اھوالانی سر ءَ چمشانک:

زورانسری اوار جنگ بوتگیں ماھل بلوچ پنچ لک کلدار ءِ دیم ءَ زمانت ءِ سر ءَ یل کنگ بوتگ – ماھل بلوچ سَے ماھاں بندیگ بوتگ – چہ شال ءَ جند ءِ گس ءَ زورانسری آوارجنی ءَ پد رند ءَ آئی ءِ دزگیری زاھر کنگ بوتگ وھدیکہ آئی ءِ سر ءَ بلوچ آجوئیں لوٹوکیں سلاہ بندیں گلانی کمک کاری ءِ بھتام جنگ بوتگ –

روکپتی بلوچستان ءَ ایرانی لشکر ءُ پوجی ٹولیانی دست ءَ مزنیں کچے ءَ ورنایانی دزگیری ءِ بگیری ءَ دگہ دھ مردم دزگیر کنگ بوتگ انت – ایران ءَ بازیں وھدے بیت بلوچ ھند ءُ دمگاں زھرشانی کنگ بوگ ءَ انت –

اے ماہ ءَ گوادر ءَ مرتگیں دیوہیکل ماھیگے دست کپتگ – بلوچستان ءِ تیاب دپی دمگ ءَ کساس چِل ءُ دو فُٹ دراجیں نیلی وہیل ماھیگے دست کپتگ – نیلی وہیل قوی البحثہ ءِ ھما ماھیگانی تہ ءَ ھوار انت کہ آھانی کچ سک باز کم انت –

آواران کولواہ ءَ بلوچ سرمچار ءُ پوج ءِ میان ءَ میڑے ءَ بلوچ آجوئی لوٹوکیں سلاہ بندیں گل بلوچستان لبریشن فرنٹ ءِ شش باسک جنگ بوتگ انت – وھدیکہ گل ءَ دوازدہ ایس ایس جی کمانڈوزانی کوش ءِ زمہ داری منّ اِتگ – اے میڑ ءَ پیسر پاکستانی پوج ءَ چہ ڈرون ءِ سر ءَ گولہ ھم آس داتگ –

پاکستان ءِ بنجاھی پتر ءَ آرٹیکل 245 ءِ رِد ءَ بلوچستان ءَ گیشیں پوج ءِ آرگ ءِ منگ نامہ داتگ – پاکستان ءِ رسانکدرانی رِد ءَ بلوچستان سرکار ءَ پوج ءِ آرگ ءِ ھاتر ءَ ریکوزیشن دیم داتگ بوتگ –

بولان ءُ کش گوری ھند ءُ دمگاں لشکر کشی کنگ بوتگ، اے میان ءَ بلوچ آجوئی لوٹوکیں سلاہ بندیں گل ءُ پاکستانی پوج ءِ میان ءَ میڑ ھم بوتگ انت، بلوچ لبریشن آرمی ءَ زرغون، مارگٹ ءَ سَے اُرشاں پاکستانی پوج ءِ ایس ایس جی کمانڈراں ھوار دوازدہ کارمندانی کوش ءِ زمہ واری منّ اِتگ –

چہ گوادر ءَ حق دو تحریک ءِ رھشون ملا ھدایت الرحمان یل بوتگ – آ ھمے سال ءِ جنوری ماہ ءَ چہ گوادر ءِ آمیدگس ءَ دزگیر کنگ بوتگ، ہدایت الرحمان ءِ یل بوگ ءَ گوادر ءَ ھوار دگہ دمگاں وش آتکی ءِ روانک کشگ بوتگ انت کہ مزنیں کچے ءَ زالبولاں ھم بھر زرتگ –

سالے ءَ پیسر چہ ترکی ءَ دزگیر کنگ بوتگیں بلوچ نیشنلسٹ آرمی ءِ رھشون گلزار امام رسانکدر ءِ دیم ءَ آرگ بوتگ – اے درگت ءَ گلزار امام ءِ گوشگ ات کہ من ھما راہ گچین کتگ رد بوتگ – مئے جیڑہ پرایمنی ءَ گیش ءُ گیوار کنگ بنت –

چد ءُ پیسر بلوچ نیشنلسٹ آرمی ءَ وتی درشانانی تہ ءَ اے ھبر زاھر کتگ کہ پاکستانی استان گلزار امام ءَ لٹ ءُ کٹ کنت ءُ آئی ءَ بلوچ راجی زرمبشت ءِ بگیری ءَ کارمرز کنگ ءِ جھد ءَ کنت ءُ زرمبشت ءِ بگیری ءَ پندل سازی یے بندات کنت –

ایرانی سرکار ءَ چہ روکپتی بلوچستان ءَ بازیں سنی ملا چہ ڈیھ ءَ درکتگ انت ، اے ملایانی تہ ءَ عبدالعزیز عمر زئی، ملا رضا رخشانی، ملا عبدالرؤف رخشانی، ملا عبدالمجید مراد زئی ءُ ملا امان اللہ سعدی ھوار انت –

آواران ءَ پاکستانی ءِ کمک کارانی بلیک میل کنگ ءُ دلسیاھی ءَ بیزار بوتگیں پرائیویٹ وانکجاھے ءِ ماسٹر نجمہ ءَ وتکشی کتگ –

نجمہ ءِ پت دلسرد ءُ مات ءَ تربت پریس کلب ءَ گوں اھوالکاراں تران کنان ءَ گوشتگ کہ لیویز کارمنداں سرکاری ادارھانی نام گپتگ ءُ نجمہ ترسینتگ، نجمہ ءَ اے درگت ءَ مارا سرپدی داتگ بوتگ –

تربت سول سوسائٹی ءِ کنوینر ءَ آل پاٹی کیچ ءِ کنوینر غلام یاسین بلوچ ءَ گوشتگ کہ یک لیوز کارمندے ءِ تہ ءَ انچو ھمت نیست کہ آ لس مردمے ءَ دلسیاہ بہ ہنت ءُ بہ تُرسینیت چریشی ءَ آ وتکشی بہ کنت اشی ءَ پُشت الم دگہ تاکت ءِ ھست –

چینیانی سر ءَ پدائی اُرش کنوکیں بلوچ زالبول شاری بلوچ ءِ جسد کھول ءِ دست دیگ بوتگ، سیزدہ ماہ ءَ پد آئی ءِ نماز جنازہ بنکی ھنکین ءَ وانگ بوتگ –

کراچی ءَ گوستگیں سال ءں بیست ءُ شش اپریل ءَ پدائی اُرش ءَ سَے چینی جھمننداں ھوار چار مردم مرتگ ات انت، کراچی اُرش ءِ زمہ واری بلوچستان ءِ آجوئی لوٹوکیں سلاہ بندیں گل بلوچ لبریشن آرمی ءَ منّ اِتگ – جارکش جیئند بلوچ ءَ گوشتگ ات کہ اے اُرش گل ءِ مجید برگیڈ ونگ ءِ سنگت شاری بلوچ ءَ کتگ –

بلوچستان ءَ زورانسری آوار جنی ءِ نشانگ کنگ بیتگیں سے مردم یک کنگ بیتگ اَنت وتی لوگاں سر بیتگ اَنت وھدے کہ دگہ یک ورنایے زورانسری آوار جنگ بیتگ-

گیشیں ھالانی رِد ءَ مروچی سُھب ءَ پاکستانی پوج ءَ کیچ ءِ دمگ تمپ دازن ءَ پیرجان نامیں مردمے ءِ دکان ءَ بیڑبرتگ ءُ ساڑی ئیں میران ء عبدالوھاب جھمنند دازن تمپ آوار جتگ ءُ وتی ھمراھی ءَ برتگ –

دومی نیمگ ءَ بلوچستان ءِ دمگ نوشکی ءَ چہ پاکستانی پوج ءِ دست ءَ آوار جنگ ءَ پد بیگواہ بیتگیں عاطف ء محمد حنیف جمالدینی گوستگیں روچ آجو بوتگ ءُ لوگ ءَ سر بیتگ –

عاطف رودینی گوستگیں ماہ ءَ 25 مئی ءِ شپ ءَ نوشکی جنگل ءَ چہ پوج ءَ آوار جنگ ءَ پد وتی ھمراھی ءَ برتگ کہ گوستگیں روچ دیم ءَ اَتکگ ءُ یل کنگ بیتگ وھدے کہ گوستگیں سال ءَ دسمبر آئی ءِ برات سفیان پوج ءَ زورانسری آوار جتگ کہ تنی وھدے دیم ءَ آرگ نہ بیتگ-

عاطف رودینی ءِ نزیکیں مردمے ءِ یل بوگ ءِ گپ راست کتگ-

ھمے وڑ 13 اگست 2022 ءَ بلوچستان ءِ دمگ آواران ءِ ھند چہ جھاؤ ءَ آوار جنگ ءَ پد زورانسری جنی نشانگ کنگ بیتگیں اعظم بلوچ ء جمیل احمد گوستگیں روچاں پوج ءِ واکداراں آئی ءِ پت ءُ دگہ سیادانی دست ءَ داتگ اَنت-

زانگ بہ بیت بیگواھیں مردمانی کھول ءِ گل وائس فار بلوچ مسنگ پرسنز ءِ رِد ءَ بلوچستان ءِ جتاجتائیں دمگاں چہ ھمکروچ مردماں پوج بیگواہ کنگ ءَ اِنت بلے لھتے مردم ءِ یل کنگ پد دگہ مردم بیگواہ کنگ بیتگ-

دومی نیمگ ءَ 2018 ءَ پوج ءِ دست ءَ بولان ءِ دمگ چہ انڈس چلھڑی ءَ لشکر کشی ءِ وھد ءَ بیگواہ کنگ بیتگیں حاجی عزیز ء محمد قاسم سمالانی پنچ سال ءَ پد آجو بیتگ ءُ لوگ ءَ سر بیتگ-

عزیز سمالانی ءِ ھمراہ بولان لشکر کشی ءِ وھد ءَ بیگواہ بیتگیں مردم انگت بیگواہ ءَ اِنت دیم ءَ آرگ نہ بیتگ-